【八達通卡/Smart Octopus適用】唔使出街!八達通 App 領取政府交通補貼教學
返回
【八達通卡/Smart Octopus適用】唔使出街!八達通 App 領取政府交通補貼教學
04-01-2019
作者: Wai
其他焦點新聞:
19-05-2019
19-05-2019
18-05-2019

【八達通卡/Smart Octopus適用】唔使出街!八達通 App 領取政府交通補貼教學

 

 

終於等到!2019 年1月1日開始,政府之前公佈的公共交通費用補貼計劃亦終於正式展開!每月搭車使費只要超過 $400 的話,政府就會補貼 25% 俾你,每月最多可以拎到 $300。

但相信唔少網友最想知的,都係點先可以拎到每月交通補貼吧?其實唔一定要每個月落街拍卡,只需一部手機就做到,以下就話你知點用八達通手機 App,登記以及拎走政府派發的每月交通補貼!

 

 

係開始教學之前,先同大家重溫一下政府的公共交通費用補貼計劃內容,誰人受惠、點先拎到?以下話你知:

誰人受惠
不論入息水平,每月公共交通開支超出 $400 的市民均受惠

如何申請
毋須提出申請或預先登記八達通,每月補貼金額按每張八達通所記錄的公共交通開支自動計算

補助金額
每月公共交通開支超出$400後的金額 25%,每月最多$300

領取補貼時間及期限
每月 16 日可領取上月交通補貼,因此首次領取補貼的時間是 2 月 16 日,另外三個月必須領取

 

 
用八達通手機 App 拎交通補貼
 

咁究竟點先拎到政府的公共交通費用補貼?最簡單就係落街找八達通服務站/7-11便利店/OK便利店/惠康超級市場。

但嫌麻煩的詻,其實用八達通的手機 App 一樣做到,而條件只有一個:有部支援 NFC 的 Android 手機,再安裝八達通 App 即可。

 

▲ 如果手機本身唔支援 NFC 又或者用緊 iPhone 的話,就需要另購 NFC 讀卡機,老實講不太划算。
 
(1) 下載八達通 App

▲ 於 Google Play 安裝《八達通》App,打開就在首頁找到「公共交通費用補貼計劃」
 
(2) 拍八達通卡領取上月補貼

▲ 領取補貼的方法相當簡單,直接點選「領取補貼」,輸入八達通號碼及拍卡
 

▲ 拍卡後車費補貼會直接存入八達通之中
 
(3) 註冊帳戶查看公共交通開支詳情

▲ 唔想每次輸入八達通號碼咁麻煩的話,其實可以用手機號碼及電郵註冊帳戶,再連結八達通卡,之後就可以直接用手機拍卡拎補貼
 

▲ 註冊帳戶後會有詳細公共交通開支
 
(4) Samsung 手機 Smart Octopus領取交通補貼

▲ 至於 Samsung 手機的 Smart Octopus ,八達通 App 會自動新增「Smart Octopus 領取補貼」功能,點選後就會直接連接 Samsung Pay 認證並領取補貼
 

 

分享至Facebook   分享至微博  

 
搜尋