【應用教學】Samsung Galaxy Note 9 開箱過資料、轉移 Smart Octopus、拎 $500 八達通回贈教學
返回
【應用教學】Samsung Galaxy Note 9 開箱過資料、轉移 Smart Octopus、拎 $500 八達通回贈教學
03-09-2018
作者: Wai
其他焦點新聞:
25-09-2018
24-09-2018
24-09-2018

【應用教學】Samsung Galaxy Note 9 開箱過資料、轉移 Smart Octopus、拎 $500 八達通回贈教學

 

 

Note 9 新機入手,第一時間梗係開箱過資料啦!對於資深用家來講,轉機應該就無咩難度。但如果你係 Note 系新手,小編就準備了以下的簡單教學,分別話你知:

(1) Note 9 點樣過資料先係最快;
(2) 本身已經用緊 Smart Octopus 的話,轉移虛擬八達通時又有咩地方要注意呢;
(3) 最後仲有登記 Note 9 $500 八達通回贈懶人包!

 

 
用線更快!Note 9 過資料靠晒佢
 

要將舊機的相片、短訊以至應用程式一次過轉移去新入手的 Note 9。最簡單的方法,其實是用 Note 9 預載就有「Smart Switch」。

這個 Samsung 手機出廠時會預載的搬資料程式,除了支援齊 Android 及 iPhone 兩大平台之外,更可直接用 USB OTG 線將兩機連接轉移資料,速度會比雲端備份或 Wi-Fi 傳送更快更穩定。筆者實測時嘗試轉移 36GB 左右的舊機數據,半小時左右就完成。

 

▲ Note 9 盒內附送的 OTG 轉接器,除了可以用來連接 USB 手指、鍵盤之外,更是 Smart Switch 搬資料時會用到的配件
 

▲ 將 OTG 轉接器插入 Note 9,另一邊用 USB 線連接 Android / iPhone 手機,就可以開始轉移舊機資料
 

▲ 連接後在 Note 9 的彈出式提示中選擇「Smart Switch」
 

▲ Android 手機的話,打開 Smart Switch App,選擇「USB 傳輸線」傳輸
 

▲ iPhone 的話,無需安裝程式,直接點選信任這部電腦即可
 

▲ 再選擇要轉移的資料及設定內容。要留意的是,App 方面 Smart Switch 僅可將程式搬去新機並安裝,而 App 內資料數據則無法轉移,用家需手動重新登入
 

 
舊 Samsung 用家要知!轉移 Smart Octopus 有步驟
 
本身已經用緊 Samsung 手機的用家,揀返 Note 9 都會想繼續用 Smart Octopus 吧。不過如果要將 Smart Octopus 由舊機過落新機的話,就要跟足以下步驟做,否則有機會成張 Smart Octopus 被刪除!
 
 
▲ 由於每個 Samsung Pay 帳戶僅可存在一張 Smart Octopus,因此在新機啟用之前,就要先在舊機打開 Samsung Pay >點選「八達通」 > 在右上選項點選「刪除」,再選擇「備份及」將 Smart Octopus 備份至 Samsung Pay 帳戶
 

▲ 之後在 Note 9 登入 Samsung 帳戶 > 打開 Samsung Pay > 點選「八達通」> 選擇「轉移」將 Smart Octopus 轉移過來
 

 
誤刪 Smart Octopus 點算?
 

正如上文般提到,如果用家誤刪舊機 Smart Octopus:例如在備份前就將舊機重設 / 在應用程式設定中清除 Samsung Pay App 內資料 / 刪除 Samsung Pay,又點算呢?

暫時八達通方面是無法將已刪除的 Smart Octopus 復原的,但用家唯一可以做的,就是申請退款 (申請退款連結),將餘額連同按金以支票的方式退還,另外再於新 Note 9 重新開通 Smart Octopus 服務。
 

▲轉機時誤刪舊機 Smart Octopus 的話,就要到八達通網頁申請退款,再於新機重新申請另一張 Smart Octopus
 

 
點拎 $500 八達通回贈?呢個日子你要知!
 
最後最後,既然已經搶先入手 Note 9,當然就唔好錯過早鳥獨享的 $500 八達通回贈。但究竟要點先拎到呢?以下有 Step-by-Step 的教學:
 

▲入手 Note 9 後,登上 Samsung 香港網頁,再輸入新機 IMEI、購買日期、店鋪以及 Smart Octopus 號碼等資料
 

▲另外如果本身有買過 Note 系列的話,也可在頁面輸入舊機 IMEI,以獲得延長保養及Harman Kardon Oynx Mini (限 512GB Note 9 用家) 最後就要用手機拍下 Note 9 購買單據,並上載至網頁完成登記
 
最後要留意的是,要拎 $500 八達通回贈優惠,必須在 9月 9 日前購買Note 9,並於 9 月 23 日前完成登記。由於回贈有一萬個名額限制,因此無論係已入手,又或者準備入手 Note 9 的用家,都記得要把握時間喇!
 
 
 
 
分享至Facebook   分享至微博  

 
搜尋