繁體中文 簡体中文
註冊成會員  
忘記密碼
NO.1
SAMSUNG
Galaxy C7 Pro
NO.2
SAMSUNG
Galaxy C9 Pro
NO.3
HTC
U Ultra
4.Huawei Mate 9
5.LG V20
6.SAMSUNG Galaxy C7
7.NOKIA Nokia 6
8.Xiaomi 小米 小米手機 5s Plus
9.SAMSUNG Galaxy S7 Edge
10.SAMSUNG Galaxy A7(2017)
Wifi
HD 影片拍攝
NFC
 
對比手機1
對比手機2
對比手機3
新聞館
【Android 專區】「感」玩都得 幫你開發你的手機功能
Sanrio 系列 雙 USB 10400 mAh 電池
唔駛搵餐懵 Google Play 加程式更新 Refresh 鍵
仲有新 U ? S8 或具新 Exynos 版本

手機館 >> Xiaomi 小米 >> 小米手機 5s Plus

型號

小米手機 5s Plus

簡介

大屏版小米 5s,搭載 5.7 吋 Full HD 螢幕、2.35GHz Snapdragon 821 處理器、4/6GB RAM、64/128GB 容量以及 1300 萬像素雙鏡頭。

刊登日期

27-09-2016

 
總投票: 21
外型
5.5
功能
6.0
性價比
6.0

返回
【新機測試】雙鏡無驚喜?小米 5s Plus 評測
09-11-2016
作者: Wai

【新機測試】雙鏡無驚喜?小米 5s Plus 評測
 
 

小米打入香港都差唔多成 4 年,不過咁多年黎,用家講得最多的,都係「新機遲大到」、「只推低階版」等等。

來到 2016 年底,小米似乎終於解決到以上的問題,因為係中國開賣後不久,香港亦緊接推出小米 5s Plus,係 6+128 的高配版之餘,而且 HK$2,999 的定價亦算合理,堪稱現時性價比最強的新機。

咁到底呢部國產新機皇又係咪真係咁抵玩,佢個雙鏡系統又影唔影到靚相呢?一齊實測睇睇!

 
 

 
其實係紅米 Pro 強化版?小米 5s Plus 實機睇
 

雖然年頭部小米 5 用雙面玻璃設計頗得用家歡心,不過來到年底,小米就毅然放棄玻璃設計,為小米 5s Plus 改用金屬機身,另外再於機背上面額外施加一層亮面塗層,上手會感覺到少了金屬手機應有的冷洌質感,成部機其實更似是紅米 Pro 的強化版。

 
▲ 小米 5s Plus 雖然搭載 5.5 吋 FHD 螢幕,但螢幕邊框唔算闊,因此整體手感仍然不錯,也沒有小米 5 的刮手問題
 
▲ 5s Plus 將指紋辨識器移至機背,保留三顆觸控式鍵盤
 
▲ 機背用弧形設計,雖然手感唔多「金屬」,但髮絲紋的效果其實做得唔錯
 
▲ 搭載雙鏡頭系統,分別有 1300 萬像素的彩色、黑白鏡頭各一
 
▲ 機頂除保留 3.5mm 耳筒插口之外,更配置紅外線遙控功能
 
▲ 機底就用 USB Type C 插口,更支援Quick Charge 3.0
 
▲ 雖然內置有 128GB 容量,但可惜的是5s Plus 僅支援雙卡,未有兼容 microSD
 
▲ 機側的音量鍵及電源鍵
 

 
系統及效能
 

同之前搶先賣的紅米 Note 4 一樣,小米 5s Plus 同樣用 MIUI 8 + Android 6.0.1 的組合,功能方面比過往的小米手機豐富不少。

除咗有番 NFC 比你玩 Android Pay 之外,亦有 MIUI 8 專長雙系統功能。另外值得一提的是,港版小米 5s Plus 除咗預載 Google Play 之外,亦刪走大陸版 MIUI 煩人的廣告顯示,用都用得開心 D。

 
 
▲ 小米 5s Plus 預載 Android 6.0.1 系統 + MIUI 8,主打賣點係一眾「雙開」功能,一部機用 2 個 WhatsApp、Facebook 無難度
 
▲ 內置有 115GB 的可用空間,聽 Hi-Res、睇 4K 都唔使就住就住
 
▲ 預載有好受歡迎的程式雙開功能,簡單一選,小米 5s Plus 就會自動複製程式,一部松可以登入兩個 WhatsApp 或 Facebook 帳戶。
 
▲ 除咗程式雙開之外,小米 5s Plus 仲識「手機分身」,其實就係類似 Samsung Knox 咁,於系統中劃分出一個資料隔離的區域。「手機分身」唔止可以做到雙開的效果,如果想裝安全成疑的國產 App,也建議用分身試裝
 
▲ 系統預載的程式唔算多,有 Facebook、WPS Office、SwuftKey 鍵盤以及有點奇怪的 Wego Flight
 
S821 效能實測!真係有 16 萬分...?
 

效能方面可以話係小米 5s Plus 最大賣點,小米特別講到 5s Plus 用的是高時脈版 S821,達 2.35GHz 之高,配合 6GB RAM 以及 128GB UFS 2.0 儲存,單睇規格已經係現時 Android 最強之一。

雖然硬件相當強悍,但小米 5s Plus 跑分唔算好突出,小編測試多次,亦跑唔出小米所宣稱的 16 萬分。不過整體上 5s Plus 操作體驗唔錯,介面夠順之餘,打機效果亦好出色,無論係 NBA2K17 或者日版白貓 Project,5s Plus 都行得好流暢,加埋內置成 128GB 容量,打機玩家最 Like!

 
▲ 小米 5s Plus 用 Antutu 試跑分,測出 138491,以 S821 手機來講唔算好突出
 
▲ 再試用 GeekBench 4 做測試,今次小米 5s Plus 表現就唔錯,尤其在多核測試中拿到 4117 分,明顯較 S820 手機為高
 
 
▲ 3D Mark IceStorm Unlimited:30614 | SlingShot ES3.1:2025
 
▲ 雖然效能跑分唔突出,但小米 5s Plus 始終搭載 3800mAh 大容量電池,用 Antutu 電池測試,5s Plus 就測出 13809 分,比一般旗艦 7-8000 分的表現為佳
 
▲ 試玩日版「白貓 Project」,整體操作算幾流暢,操作出技都無明顯窒機
 
▲ 再來試玩 NBA2K17,例牌將畫質特效調至最高,小米 5s Plus 玩落都夠順
 

 
雙鏡實測!小米 5s Plus 雙攝 Mode 真係靚?
 

除咗硬件出色之外,小米 5s Plus 仲同 iPhone 7 Plus 一樣配置雙鏡頭系統:分別搭載 1300 萬像素的彩色鏡頭及黑白鏡頭各一。

小米 5s Plus 個廅雙鏡除可直接用黑白鏡頭影層次感更佳的黑白相之外,小米仲設計出「雙攝模式」,透過雙鏡頭及影像處理器優化影像,咁到底雙攝 Mode 係咪真係有用呢?即睇測試相片!

 
小米 5s Plus 「雙攝模式」試拍:
 
 
 
 
小米 5s Plus 「黑白模式」試拍:
 
 

整體來講,小米 5s Plus 的拍攝效果其實算是不過不失。

由於 5s Plus 硬件方面僅搭載兩組於低階機常見的 IMX258 感光元件,因此要靠雙攝模式去做畫質強化。小米 5s Plus 透過將兩組鏡頭的資料整合運算,以類似 HDR 的做法,提升相片的動態範圍、對比度以及消噪效果,算是彌補到本身感光元件較弱的硬件問題。

不過小編實測時,就發現雙攝模式會有明顯的快門遲滯,按下拍攝後要等一秒左右先影到相,似乎在運算方面仍有不少改進空間。

此外小米 5s Plus 所拍攝的黑白相亦未算好出色,尤其在層次感等方面,還是不及華為 P9 咁有「味道」。

 

 
編輯短評:S821 + 6GB RAM 打機勁爽,但雙鏡未見驚喜
 

雖然小米 5s Plus 主打是其雙鏡系統,不過小編實測後,始終覺得用 IMX258 感光元件 x 2 的組合實在偏弱,無論色彩還是層次感,都做唔到華為 P9 的獨特效果,也去唔到小米成日講「黑科技」個境界。

不過小米 5s Plus 就勝在性能夠強,$2999 的價錢就有 S821 + 6GB RAM + 128GB 容量,撇開雙鏡驚喜不大這一點,小米 5s Plus 係現時市面上性價比最高的手機之一,對於鍾意打機注重規格的用家,又有一部值得考慮的抵玩新機啦!

 
小米 5s Plus 詳細規格
 
 
 
分享至Facebook   分享至微博  
如以上手機資料有遺漏或錯誤,請按此匯報
 
index