勁粗M字額配單鏡頭:Pixel 3、Pixel 3 XL 正式登場
返回
勁粗M字額配單鏡頭:Pixel 3、Pixel 3 XL 正式登場
2018-10-10
作者: Wai
其他焦點新聞:
17-10-2018
17-10-2018
16-10-2018
分享至Facebook   分享至微博  

勁粗M字額配單鏡頭:Pixel 3、Pixel 3 XL 正式登場

 

 

單鏡已 Out?Google 話你知........唔係!因為新鮮上場的新一代親生仔 Pixel 3 同埋 Pixel 3 XL,都繼續堅持用單鏡主相機,更加入 AI 強化攝力。咁究竟 Pixel 3 影相有幾勁呢?一齊睇睇啦!

 

 
勁粗M字額!Pixel 3 XL 追加「Not Pink」粉紅色
 

 
Pixel 3 系列仍然分有「大細機」,分別有 5.5 吋的 Pixel 3 以及 6.3 吋的 Pixel 3 XL,兩機均改用超闊全屏設計,當中 Pixel 3 XL 更一如之前曝光般,有條粗粗的 M 字瀏,以收藏今代新加入的雙前置鏡頭。
 

 

Pixel 3 系列沿用 Two Tone 玻璃設計,對應 IP68 防塵防水,指紋掃瞄器設於機背,也首次支援無線充電。不過在顏色方面,以往好受歡迎的 Really Blue 藍色就無得留底,取而代之的是全新的「not Pink」粉紅色,另外黑、白兩色就繼續保留。

 

 

 
最強單鏡配 AI 智能攝影
 

規格方面,Pixel 3 系列均配備降頻至 2.5GHz 的 Snapdragon 845 八核處理器,但比較可惜是內置僅得 4GB RAM,而容量就僅得 64GB、128GB 可選,另外分別有 2915mAh (Pixel 3) 以及 3430mAh (Pixel 3 XL) 內置電池,另有 Titan M 安全晶片保護用戶資料。

在 8GB RAM + 512GB ROM 手機都開始普及的今時今日,Google 在規格方面的確給得比較孤寒,不過要運行預載的原生 Android 9 Pie 系統仍然綽綽有餘。

 

 

雖然規格唔突出,但 Pixel 3 就繼承系列的超強攝力賣點,機背沿用跟 Pixel 2 同樣的 1220 萬像素單鏡頭,支援光學防手震以及 f/1.8 光圈。

雖然硬件無升級,但 Pixel 3 就著眼於軟件強化,除繼續支援備受好評的 HDR+ 外,今代更加入 Top Shot - 自動連拍並 AI 揀選最好相片。至於其他 AI 拍攝功能就有:

 

▲ Top Shot 會自動連拍並揀選最佳相片
 

▲ 雖然 Pixel 3 無雙鏡,但 Google 就選擇用 AI 補強數碼變焦的細節
 

▲ 另外超級夜景就透過 AI 增強夜拍效果,號稱可以拍出比 iPhone Xs 更明亮的相片,不過推出時尚未準備好,要等軟件更新於之後追加
 

▲ 雖然 Pixel 3 無用雙鏡相機,但前置就配備雙自拍鏡頭,透過廣角鏡頭做到 Group Selfie
 

 
都係得 128GB、Pixel 3 勁加價!
 

 

雖然確實升級唔算多,但 Google 今年也效法其他品牌咁齊齊加價,Pixel 3 64GB 版比上代勁加150 美金,賣 US$799,換算約港幣$6,259;至於 Pixel 3 XL 就小加 50 美金,64GB 版賣 US$899,換算約港幣$7,042。

對 Pixel 3 XL 有興趣的話,可以先瀏覽之前的開箱報告:忽然現身 Google Pixel 3 XL 開箱玩

 
 
 
分享至Facebook   分享至微博  

 
搜尋