【專題報導】香港 4G 手機實戰心得分享
返回
【專題報導】香港 4G 手機實戰心得分享
2012-05-18
作者: Wai
其他焦點新聞:
16-02-2019
16-02-2019
16-02-2019
分享至Facebook   分享至微博  

【專題報導】香港 4G 手機實戰心得分享

 
 
來到 5 月中旬,各大廠商於 2012 上半年推出的 4G 手機都已經率數推出喇!有打算升級上 4G 手機的用家,相信都已經留意過 RingHK 之前的速度測試報告,對 4G 速度有所認識,今次就同大家分享一下用 4G 網絡的心得!
 

 
用盡 4G 速度、改變手機使用習慣
 
 

對於用家來講,升級上 4G,速度當然係最重要的考慮,係之前的速度測試中,相信大家都見到高達 50Mbps 甚至係 6-70Mbps 的高速,到底以上的速度轉化到實際使用的話,有咩優勢呢?今次 RingHK 就用 HTC One XL 手機,分別以 4G Test 程式鎖定使用 3G 同 4G,測試一下載入 RingHK 網頁的速度。

 
 
以上的測試結果其實話比用家知,以往用 3G 大家可能都會避免上的桌面版網頁,係 4G 手機上其實可以隨意縱橫。除此之外,當然仲要用埋最 Hit 的一系列雲端服務,好似 Google Music、Dropbox Auto Sync 同埋最新的 Google Drive 等等,係 4G 上就可以真正釋放潛力!
 
▲ 有 4G 的網絡速度,好似 PPStream、PPTV 甚至係 MyTV 等影片串流Apps,用落等待時間會短好多,加上有傳 MyTV 年底開始收費,仲唔襯而家大睇特睇?
 

 
4G 網絡覆蓋、最緊要「見天」
 
 

經過各大網絡商的一番努力,現時香港 4G 網絡覆蓋已經越見理想,絕大部分旺區,好似銅鑼灣、中環、旺角、尖沙咀等地方,都已經有哂 4G 覆蓋喇。不過用家唔好以為去到呢幾個地方就有得用 4G 喇,因為香港用的 LTE 2600MHz,室內穿透力較弱,室內 4G 覆蓋就會大大減弱。

其實現時 4G 接收最緊要係「見天」,所以現時 4G 係新式的商場、商廈入面,接收其實都唔錯,如果用家打算升級 4G 等自己係 Office 都用到極速網絡的話,就要留意自己個位近唔近窗喇,,否則除了 4G 收得差之外,手機仲有可能要在 3G / 4G 之間切換搜台,令到耗電量大增。

 
 
其實針對 4G 室內覆蓋問題,CSL 已經開始啟用滲透力更佳的 LTE 1800,與現有的 LTE 2600 同時使用,只要手機支援,就可以同時接收到以上兩個頻譜。所以用家會發現,係部分其他台收唔到 4G 的室內位置,CSL 旗下的 1O1O 及 one2free,都有可能收到 1 至 2 格的 4G 訊號。
 

 
4G 有幾耗電?
 

其實對於唔少用家黎講,4G 手機的續航力問題,比起覆蓋更為重要。畢竟一部只有「半日命」的手機,速度有幾快都無用喇!其實有唔少研究指出,雖然現時 LTE 速度極快,不過由於採用到 2x2 MIMO 架構,耗電情況比起 3G 更為嚴重,加上 4G 覆蓋所造成的搜台耗電問題,令到 4G 手機實際上網操作時間不過 5 小時。

到底 4G 耗電問題實際情況又係點呢?今次 RingHK 就用 HTC One XL - 採用最新一代 4G 晶片的手機作示範,睇睇連續上網一小時後用電量有幾多。

 



▲ 用 4G + 3G 連續上網約 1 小時,one XL 電量急降 23%,照咁睇其實用 4 個鐘已經玩完喇
 
但到底 4G 網絡實際耗電量有幾高呢,今次就試試以 4G 網絡開啟 Wi-Fi Tethering 1 小時,比對一下電力消耗。
 



▲ Wi-Fi Tethering 1 小時耗電約 10%
 

跟據以上的簡單比對,其實已經話比用家知,4G 手機用電最兇的,並非係 4G 網絡,反而螢幕先係真正元兇。所以如果打算為 4G 手機延長續航力的話,準備好一顆外置電源之外,平時操作時降低螢幕光度都好重要。

 
▲ 慳電貼士 (1):由於現時地鐵內肯定收唔到 4G,如果用家打算搭長程地鐵,可以試試將網絡鎖定在 3G,可以稍為減輕用電量,不過記得上地面後開番呀!
 

▲ 慳電貼士 (2):如果用 Galaxy S II LTE 等 AMOLED 手機,也可以試試用暗色系的 WallPaper,由於 AMOLED 有自體發光的特點,理論上全黑的情況下螢幕甚至無需耗電,所以換張較暗的 WallPaper,同樣可以慳電!

 

 
總結
 

雖然上半年的 4G 手機已經出得七七八八,不過唔代表 4G 選擇得咁少,因為 Samsung 已經有計劃推出 4G 版 Galaxy S III,另外國內的華為、中興兩大品牌都有 4G 手機在陣,加上最近登場的 Sony 4G 機 Xperia GX (未確認有國際版)。

到左下半年,4G 選擇其實更多,而且現時 3G / 4G Plan 同價,未揀定手機,都可以選擇先出 4G Plan,等日後換機時選擇更多。

 
 
分享至Facebook   分享至微博  

 
搜尋