【新機試玩】三防 x 雙核、Sony Xperia go 夏日之選
返回
【新機試玩】三防 x 雙核、Sony Xperia go 夏日之選
2012-06-30
作者: Wai
其他焦點新聞:
12-12-2018
12-12-2018
11-12-2018
分享至Facebook   分享至微博  

【新機試玩】三防 x 雙核、Sony Xperia go 夏日之選!

 
 

Sony 今年雖然大打機海攻勢,不過旗下幾部入門級智能手機,都有相當明顯的定位,好似 Xperia U 賣平價雙核、Xperia sola 就有首創的懸浮觸控。

踏入盛夏,Sony 就決定再加推兩部定價類近、但定位迥異的入門級新機,先有平價 Android 4.0 大芒機 neo L,去到 7 月初,就會有本文試玩的 Xperia go,主打三防雙核,絕對係最夾夏日的 Xperia 手機!

 
>>>歡迎到訪 Sony 討論區 繼續討論<<<
 

Xperia go 有齊防水、防塵、防刮三大賣點,亦已經通過 IP67 防水防塵測試,保證可於 1.5 米水深下堅持半個小時,加上有防刮螢幕,就算帶去沙灘玩,都唔怕入水入沙整壞部機。當然,Xperia go 另一賣點就係內置雙核心處理器,以後想揀部又快又靚的防水機,唔一定要搵日系水貨喇!

 

 
延續簡潔風機身設計
 
有趣的是,Xperia go 雖然換上三防機身,不過外型上倒是似足之前的 Xperia sola,同樣走簡潔風格,機身厚度僅得 9.8mm,加上採用有防滑作用的啞光機身,可以好好保護手機之餘亦有提升手感之用。
 
▲ 僅配備 3.5 吋螢幕的 Xpeira go 機身纖巧,可以輕易就用單手操作
 
▲ Sony Android 手機的標準三鍵式設計,已為升級上 Android 4.0 作好準備
 
▲ 稍為可惜的是 Xperia go 並未設有前置鏡頭
 
▲ 啞光處理的防滑塑膠機背
 
▲ Xperia go 機身上所有傳輸接口都設有專用的防水防塵保護蓋,入水前記得 Check 清楚
 

▲ 機頂設置有小小一顆的電源鍵

 
▲ 其實今次 Xperia go 的驚豔之處在機身內部,打開背蓋就可以見到天藍色的內部機身
 
▲ 採用密封式機身的 Xperia go,備有專用的 SIM 卡底座,外邊同樣有防水膠條
 

▲ 另外連 microSD 卡插槽同樣有專用的防水保護蓋

 

▲ 順帶一提,首批 Xperia go 會加推「限量版運動套裝」,定價 $2698,套裝有黃色版 Xperia go、「運動型立體聲耳機」、「專用運動臂帶」及「運動型腕帶」,最岩熱愛運動的用家

 

 
神祕濕手指?防水防塵防刮逐個試
 
 

標榜防水防塵防刮的 Xperia go,係 iP67 級別防水防塵認證之外,Sony 仲特別加入 Wet Finger Tracking 濕手指觸控功能,可以係濕水的情況下觸控操作手機。即睇以下示範:

 

▲ 當感測到手機潛入水中時,Xperia go 會鎖上螢幕觸控功能,只要拿出水面,先可以如常操作。

要解釋濕手指觸控,就需要先講講電容式觸控螢幕的特點。由於水本身就是導電體,遇上現時 iPhone、Android 所採用的電容式螢幕時,水點就等於用手指觸控一樣,會影響螢幕反應。所以基本上來講,手濕的情況下一樣可以觸控手機,不過螢幕會因為殘留在表面上的水點而影響操作,而 Sony 的 濕手指觸控就可以提升以上情況下的觸控準確度,唔受殘留水點影響

 
▲ Xperia go 還有個貼心功能,就係當移除耳筒或 USB 線時,手機會自動提醒用家關閉好機側的保護蓋
 
▲ 擁有防塵機身的 Xperia go,成部機插入沙中都可以安然無事走番出來
 
 
▲ 最後當然要測試一下的 Xperia go 的防刮能力,一般的剪刀、鎖匙都難傷其分毫
 

 
齊齊做運動、跟 Xperia go 一起鍛鍊自己!
 
Xperia go 的三防機身除了岩哂去沙灘之外,同運動一樣咁夾,Sony 特別為 Xperia go 預載 FigureRunning 及 miCoach 等運動Apps,即時讓 Xperia go 變身成為自己的私人教練,加上 Xperia go 機他細細,帶去 Gym 定係帶去跑步都無問題。
 
 
▲ Xperia go 內置由 Adidas 推出的 micoach,除了設定個人鍛鍊計畫之外,其實內置已經有唔少訓練項目,內置仲有廣東話語音提示,會跟據 GPS 等資料提醒用家速度方面的指示。完成後仲可以將數據傳送上網作完整記錄
 
▲ 內置的訓練有齊圖文教你點做
 
 
▲ 這個叫 Walkmate 的 App 就可以將 Xperia go 變成計步器,記錄低用家每日行左幾多公里,仲要話比你知咁行法可以慳到幾多 CO2 排放,為地球出分力
 
 
▲ 第三個運舫相關的 Apps 叫FigureRunning,同樣係將跑步的 GPS 數據傳上網,不過目標唔係跑幾遠,反而要係地圖上用跑步路線畫出圖形,同 Runner 齊齊玩!
 
 
▲ 最後,Sony 還為 Xperia go 內置電子指南針同手電筒功能,必要時手電筒還可以發出 SOS 訊號,當然大家都唔希望有用到的一日吧!
 

 
系統表現
 
系統操作方面,Xperia go 當然是用回之前 Xperia sola、Xperia U 的一套 Android 2.3.7 操作系統,無論介面還是功能都無太大分別,今次就唔花時間特別介紹喇,以下就以影片的方式來表達一下用到雙核處理器的 Xperia go 速度表現如何,另外最後當然有一系列實拍相片測試及 Benchmark 分數:
 
▲ 介面操作測試,整體反應速度不俗,雖然無 Galaxy S II 或 Galaxy Nexus 等雙核機的速度惑,但起碼操作時唔會因反應慢而感覺煩惱。另外值得一提是未設有實體拍攝鍵的 Xperia go,於鎖定螢幕加入右掃快速啟動相機作補償
 
 
▲ 瀏覽器表現就比較一般,尤其在載入網頁時會明顯拖慢操作反應,只要等到完全載入之後,速度可回復正常,期待瀏覽器在升級上 Android 4.0 之後有更多改進
 
  
▲ 硬件規格方面,Xperia go 還是採用 ST-Ericsson 的 U8500 1GHz 雙核處理器,配以 512MB RAM 及 8GB ROM,唯一可惜是螢幕僅得 320 x 480 解析度,另外系統也僅得 Android 2.3.7,還是要等 sony 放出更新
 
  
▲ Antutu 跑出跟主流雙核手機相若的 5396 分
 
 

▲ Quadrant 分數水平相若

 
 
▲ 主力測試 CPU 效能表現的 CPU Bench
 
  
▲ 最後有測試瀏覽器表現的 Vellamo,得分約在 1000 左右
 
 
相片測試(以下相片以自動模式拍攝)
 
 
 
 
 
 

 
總結
 
 

相對於已經推出三防手機多年的 Motorola,Sony 今次在三防手機的領域所表達出來的誠意似乎更多。對比起同期推出的三防手機 DEFY XT535。Xperia go 擁有雙核處理器、9.8mm 厚度及 Sony 美型設計等幾大賣點,除了定價稍貴一點之外 (HK$2498 VS HK$2198),幾乎搵唔到不選擇 Xperia go 的原因。

雖然在 $2498 的定位上無法挑剔大多,但 Xperia go 在螢幕顯示、拍攝質素方面都其實有改善空間,如果有更追預算追求高效能防水手機的話,用家可以選擇等待另一部於夏季末推出的 Xperia arco S,擁有結合 Xperia S 規格及三防機身,不過定價就當然無 Xperia go 咁親民啦。

 
Sony Xperia go 規格
 
>>>歡迎到訪 Sony 討論區 繼續討論<<<
 
 
 
分享至Facebook   分享至微博  

 
搜尋