解構雷射對焦!LG G3 對焦、攝力實測
返回
解構雷射對焦!LG G3 對焦、攝力實測
2014-05-28
作者: Wai
其他焦點新聞:
21-05-2019
21-05-2019
20-05-2019
分享至Facebook   分享至微博  
解構雷射對焦!LG G3 對焦、攝力實測
 
▲ LG G3 拍攝時其實唔會發出紅光,用家可以放心
 

LG G3 攝力實測!

LG 近年在手機拍攝技術上可說是花了不少苦功,除了是少數堅持用光學防手震的廠商外,在 LG G3 上更首次採用 Laser Auto Focus 雷射自動對焦系統,最快對焦只需 0.267 秒,隨時快過你眨眼!小編拿到 G3 實機後,當然第一時間就同大家試試,G3 的雷射對焦係咪真係咁快!

 

 
解構雷射對焦
 

雷射對焦到底係乜東東呢?雖然在相機中比較少見,但其實唔少工業用相機,都會用雷射來輔助其對焦系統,其實應用上類似警方用來測車速的雷射槍,射出肉眼睇唔到的光束,紀錄發射至反彈的時間差來偵測距離。

當然 G3 的鏡頭也本身也具有 Phase Detection 對焦功能,在兩者互相協助下,帶來更快的對焦速度,尤其在低光環境下雷射更可大派用場。

此外 LG G3 也支援持續對焦功能,在自動模式下,相機會一直就眼前物件進行對焦,用家到時就可以好似 LG 的宣傳片般一按即拍!

 
▲ LG G3 的自動拍攝模式,支援多點持續對焦,首先睇睇 G3 的拍攝介面,跟一般手機有好大分別的是,G3 沒有特別設定自動、手動模式的切換鍵,啟動相機時就是自動模式,一按即拍
 
▲ 當按下左上角目錄鍵,顯示出更多拍攝功能時,就會自動進入手動模式,要按快門鍵才會拍攝
 
今次小編分別在不同光源的環境下測試 G3 的對焦實力,睇睇雷射對焦到底有幾快:
 
LG G3 雷射對焦測試 (一)
▲ 考慮到螢幕的反光問題,所以兩次對焦測試,都選擇在室內環境進行。影片中可見,當有足夠的光源,就算是室內,LG G3 對焦表現相當突出,幾乎是一按即對焦,速度快、準確度亦高。
 
 
同場加映:比拼Galaxy S5 對焦速度
▲ 相信唔少用家都知道,除了 LG G3 外,其實 Samsung Galaxy S5 亦同樣主打高速對焦。小編就試用同一場景,測試一下 Galaxy S5 的對焦速度,小編發現當焦點距離較遠時,G3 在對焦速度上的優勢較為明顯,另外近物的對焦成功率亦較高
 
低光環境實測!LG G3 雷射對焦測試 (二)
 
低光環境實測!LG G3 雷射對焦測試 (三)
▲ 再將場景回到去LG G3 的發佈會,現場環境較暗,上面的兩段測試影片,顯示在光線不足的情況下,LG G3 的對焦速度會比之前稍慢,但值得一讚是準確度仍然相當高,「拉風箱」、不中焦等情況極為少見,比 G2 有好明顯的改善。
 
對完焦,當然要按下快門影靚相啦!小編就先送上首批 LG G3 測試相片,同大家一齊睇睇 G3 的 1300 萬像素 OIS+ 鏡頭攝力,小編覺得相片畫質相當唔錯,你又點睇?
 
LG G3 測試相片
 
 
 
LG G3 手機規格
 
>>>歡迎到訪  LG 討論區 繼續討論<<<
 
 
分享至Facebook   分享至微博  

 
搜尋