邊個更方便?圖解香港電視 OTT、流動電視之分別
返回
邊個更方便?圖解香港電視 OTT、流動電視之分別
2013-12-20
作者: Wai
其他焦點新聞:
17-06-2019
17-06-2019
17-06-2019
分享至Facebook   分享至微博  
邊個更方便?圖解香港電視 OTT、流動電視之分別
 
 

HKTV 宣佈下年 7 月以流動電視及 OTT 的方式開台!終於等到 HKTV,大家固然開心,不過相信大家都有疑問,就是咩係流動電視、咩係 OTT?又同大家睇緊嘅 myTV 有咩分別呢?立即帶大家睇睇:

有得睇 HKTV 直播的流動電視,其實跟上年中移動香港推出的 UTV 相差不遠,同樣以大氣電波的方式,將電視節目傳送到手提電視或專屬接收器上,優點是接收較穩定,HKTV 指覆蓋達香港 95% 地區,過程中也無需使用流動數據,唔會因流動網絡質素而影響到畫質。

 
 
點先睇到 HKTV 直播?
 
不過問題是,要接收大氣電波,除了可以用手提電視、或者 USB 接收器駁電腦睇之外,大家手上的手機、平板,其實都需要另加專屬的接收配件至睇到,使用上會比用 App 直接睇稍為麻煩。
 
▲ 之前中移動推出的 iPhone 用 CMMB 接收器,機尾有充電孔,可以邊充電邊睇電視
 
▲ 另外有安裝在車內的流動電視,開台後直接就睇到 HKTV 的直播,唔使煩!
 
▲ 想用 HDTV 睇 HKTV?一樣有方法!用家可考慮另購接收器,再接駁到 HDTV 上,安坐家中都可以睇警界線。
 
 
OTT 即點即播更方便?
 

相信好多用家,用手機睇 HKTV 都唔想插多件配件吧?其實 HKTV 另外會同步推出 OTT 平台,以 Video On Demand 的點播方式,直接睇 HKTV 節目,就跟你現時用 PPStream、myTV 等差唔多,一點就播。用手機、平板睇的話,過程中會用到流動數據。不過至於節目本身是否免費,就要等 HKTV 日後的公佈了。

此外,HKTV 也在 Facebook 上,貼出圖解流動電視服務的背景及內容,有興趣的用家,來睇睇吧:

 
 
 
 
 
 
 
 
 
 
 
 
 
 
分享至Facebook   分享至微博  

 
搜尋