高清屏幕之魅力、解構 Sony Xperia S 細緻顯示能力
返回
高清屏幕之魅力、解構 Sony Xperia S 細緻顯示能力
2012-03-14
其他焦點新聞:
25-01-2020
24-01-2020
24-01-2020
分享至Facebook   分享至微博  

高清屏幕之魅力、解構 Sony Xperia S 細緻顯示能力

 

踏入高清年代,搵部電話拍到高清片話都無咁易。不過話說回來,要部手機個螢幕都有 HD 質素、睇到高清嘅影像細節,的確唔係咁易搵!

Sony 今年當家手機 Xperia S 除左可以拍出 Full HD 影片之外,最吸引還是其 HD 解析度嘅 4.3 吋大芒,可以點對點播放高清影片,盡顯 HD 影像豐富銳利嘅優勢!第二集嘅 Xperia S 全解構,就同大家睇睇 Xperia S 個高清芒有咩特別!

 
▲ 提升至 HD 解析度,就連桌面的 ICON、文字都唔會再見到有粒粒芒嘅格仔感
 

作為全港首批用上 1280 x 720 真正 HD 解析度的 Android 手機,Xperia S 螢幕最大賣點當然就係在於其顯示質素喇!在 342 PPI 超高像素密度下,無論是相片、電影,還是顯示網頁,Xperia S 可以呈現出極細緻銳利的影像,齊齊同「格仔」講 Bye Bye!。

順帶一提,號稱超越「肉眼辨認上限」的 iPhone 4S 螢幕僅得 326PPI,比 Xperia S 稍為遜色呀!

 
▲ HD 螢幕可以話係對鍾意用手機睇網頁或者電子書用家嘅一大福音,就算將文字放到最大,都唔會有「狗牙感」,睇都睇得舒服 D!
 

 

▲ 就算有眾多影像提升的處理,但 Sony 仍然堅持要將最像真嘅顏色帶到用家眼前

 

講到色彩顯示,Xperia S 除左有真正 HD 螢幕之外,當然亦唔可以唔提 Sony 獨家的 Mobile BRAVIA Engine 技術喇!Mobile BRAVIA Engine 除左可以令令影像色彩更鮮明之外,仲有減少雜訊、提升層次感、銳化影像等「妙用」,另外對比度、飽和度等等都有更理想的表現。

加上 Xperia S 的 16:9 螢幕,睇片高清戲個時唔會留有黑邊,真正用盡螢幕每一尺,絕對係帶出街睇片煲劇的最佳之選!

 

▲ 無論係煲劇、睇戲定係 Youtube,都可以用盡 Xperia S 嘅 16:9 高清螢幕黎睇

 

 
 
其實講到靚芒,市面上除左有 Xperia S 之外,唔同嘅廠商都主打各自嘅技術,當中最主要就有以 AMOLED、IPS 等材質掛帥嘅靚芒 Android 手機。今次就即管來睇睇,當 Xperia S 嘅螢幕遇上 IPS、甚至是 AMOLED 等靚芒嘅時候,實際顯示效果到底有咩分別!
 

▲ 首先是 Xperia S VS 這部用上 4.3 吋 IPS WVGA 螢幕 Android 手機,相信第一眼就睇得出,用上 HD 解析度嘅 Xperia S,係細緻度上有相當明顯的優勢,好似圖中 Model 嘅帽、頭髮都顯示出相當的細節。此外 IPS 螢幕夠哂亮度稍高,但色彩反而不及 Xperia S 般像真,色調略為偏冷

 
 
 

▲ 當 Xperia S 遇上出名「色靚」嘅 AMOLED 又如何呢?就算面對解析度提升至 qHD 嘅 AMOLED 螢幕,達 HD 解析度嘅 Xperia S 仍然於細緻度方面有較理想表現,整體影像更為細膩豐富。

另外跟 AMOLED 相比,亦更能夠突顯出 Mobile BRAVIA Engine 像真度高的特點,Xperia S 影像貼近原相發色,更能體現出 Model 原來嘅膚色,比起 AMOLED 嘅過於偏紅更為討好。

最後附上是次測試嘅原本相片,供用家比較之用:

 
 

 
 
▲ 方便嘅 Screen Cap 功能,仲可以按分享鍵 Share 比朋友添!
 

順帶一提,Xperia S 仲有個好方便嘅 Cap Screen 功能,用嘅時候剩係需要㩒實 Power 制,就可以見到「截圖」呢個選項,用黎將現時畫面即時 Save 底。之後無論想自己 Keep 個 Record,定係 send 比朋友就話都無咁易喇。

除左睇 HD 電影之外,仲有咩方法可以盡情發揮 Xperia S 個高清顯示螢幕呢?當然就係用番機背嘅 1200 萬像素 Exmor R CMOS 鏡頭喇,下一集 Xperia 全解構就帶大家睇睇 Xperia S 的超卓拍攝能力!

   
Sony Xperia S 手機規格
 
>>>歡迎到訪 Sony 討論區 繼續討論<<<
 
 
 
 
文章重溫:
 
跟 Xperia S 的初次邂逅、 全解構正式展開!
 
高清屏幕之魅力、解構 Sony Xperia S 細緻顯示能力
 
登峰造極之 1,200 萬像素 Exmor R、解構 Sony Xperia S 強悍拍攝能力
 
全新 Sony UXP 全面升級、Xperia S 操作介面大解構
 
雙核效能實測、Sony Xperia S 威力揭秘
 
NFC 實戰攻略、Sony Xperia S 全解構繼續展開!
 
Sony Xperia S 讓你一手掌握網絡世界
 
Sony Xperia S 全解構、打造超方便多媒體中心!
 
推薦 7 個 Sony Xperia S 必備 Android Apps
 
意想不到的 Smart 功能、Xperia S 配件大解構
 
分享至Facebook   分享至微博  

 
搜尋