繁體中文 簡体中文
註冊成會員  
忘記密碼
NO.1
Huawei
Mate 10
NO.2
Huawei
Mate 10 Pro
NO.3
LG
V30+
4.SAMSUNG Galaxy Note 8
5.SAMSUNG Galaxy C8
6.SAMSUNG Galaxy C9 Pro
7.OnePlus OnePlus 5T
8.NOKIA NOKIA 8
9.HTC U11+
10.Razer Razer Phone
Wifi
HD 影片拍攝
NFC
 
對比手機1
對比手機2
對比手機3
新聞館
【專題報導】S845 + 長焦攝影 CES、MWC 大 Show 有乜新機 ?
唔使靠信用卡?中移香港上台可入機場貴賓室!
每日 HK$18 起 3 香港數據漫遊齊半價
續航力長達 40 日!Gear S3 更新追加「手錶」模式
返回
【StoneTalk】屬於未來的 Project Tango,終於可以親身體驗
2017-08-02
作者: Wai
其他焦點新聞:
16-12-2017
16-12-2017
16-12-2017
分享至Facebook   分享至微博  

【StoneTalk】屬於未來的 Project Tango,終於可以親身體驗

 
 

等左咁耐,石先生終於都等到一部好想試H手機 - ASUS Zenfone AR。

ASUS Zenfone AR 買唔買得過呢?如果你好似石先生咁,好想體驗 Project Tango H話當然值得一買。如果你又唔急,覺得佢貴H話,其實你可以等一等,等多佢半年跌價先入手都未遲。始終 Project Tango 仲係度發展緊,你用到H只係佢小部份功能,好多野仲要再等多陣先有。

 
 

部機雖然叫 AR,但其實石先生最想試H係 Project Tango。Project Tango 手機同一般可以玩到 AR / VR H手機最大分別係佢有一枚「深度感應器」。佢可以直接感應到距離,將手機與物件之間H距離測量出來,而係 Project Tango 最初展示H時候,也都係以感測距離為主。

手機可以感測距離有幾重要呢?一直以來,手機鏡頭雖然可以拍攝,可以利用光學原理一定程度上感測到物件H遠近,但即使用到雙鏡頭去計算,結果同真實距離有好大差別,而擁有深度感應器就可以真真正正計到兩個點之間H距離,可以構建一個立體空間,真正做到切切實實H AR。

睇番 Project Tango H介紹,你會見到大部份同建築、設計、測量有關。無他H!世界上支援 Project Tango H手機仍然有限,除左呢部認認真真賣街H ASUS Zenfone AR 外,另一部就係雷聲大雨點小,推出地方有限H Lenovo Phab 2 Pro,咁H環境試問又會有幾多 App 支援!

 
 

雖然係咁,但 Project Tango H前途仍然一片光明。因為手機多左深度感應器,知道物件與物件之間H距離後,將佢應用係建築、設計上不單止好方便,大家可以輕鬆幫屋企做室內設計,例如 360 度照片、AR 呢啲都可以有更佳H體驗。

依家影H 360 照片實際上只係一張無縫H平面相,但如果有埋深度感應器係入面,佢就可以係一個立體H空間,更重要H係如果拍攝時再有移動,咁就可以構建到一個大型H 3D 空間,對於玩 AR 來講會有更大刺激。

石先生舉兩個例子,以 Pokemon Go 為例,當年大家係條街到捉 Pokemon,隻寵物會懸浮係天空,唔多真實,但有左深度感應器,手機就可以知道邊到係地下,咁寵物就可以企返係地下等你捉,而你扔個精靈球H時候,力量也都真正同距離有關係。

 
 

另一方面,依家好多標榜虛化技術影相H手機,就算佢算法做得幾好,但因為佢無距離,所以佢近距離H模糊與遠距離H模糊都係一樣,效果同用 DSLR 係光學環境下H唔同。如果有埋深度感應器去計算,咁手機係虛化H過程中就可以考慮埋距離,令近鏡H虛化圓形細啲,遠鏡H圓形虛化大啲,更似真實H DSLR,而且手臂與腰間H中空位也都唔會計算錯誤。

講左咁耐,ASUS Zenfone AR 買唔買得過呢?如果你好似石先生咁,好想體驗 Project Tango H話當然值得一買。如果你又唔急,覺得佢貴H話,其實你可以等一等,等多佢半年跌價先入手都未遲。始終 Project Tango 仲係度發展緊,你用到H只係佢小部份功能,好多野仲要再等多陣先有。

 
 
分享至Facebook   分享至微博  

 
 
index
 
;