繁體中文 簡体中文
註冊成會員  
忘記密碼
NO.1
OnePlus
OnePlus 5
NO.2
SAMSUNG
Galaxy S8+
NO.3
HTC
U11
4.LG G6
5.SONY Xperia XZ Premium
6.SAMSUNG Galaxy C9 Pro
7.SAMSUNG Galaxy C7 Pro
8.SAMSUNG Galaxy S8
9.Xiaomi 小米 紅米 Note 4X
10.SONY Xperia XZs
Wifi
HD 影片拍攝
NFC
 
對比手機1
對比手機2
對比手機3
新聞館
誰是 S835 平民機王?OnePlus 5 vs 小米 6 比一比
DOCOMO 推遊客專用儲值卡,唔使錢就有得上網?
「致敬」iPhone  北韓新手機咁樣樣
方便 用 Tap&Go 買書展飛
返回
電訊商上台出 iPhone 6 是否抵?馬上同你計計!(加入 3HK 及總結)
2014-09-14
作者: Chung
其他焦點新聞:
28-06-2017
28-06-2017
28-06-2017
分享至Facebook   分享至微博  
電訊商上台出 iPhone 6 是否抵?馬上同你計計!
 
 

Apple Online Store 的 iPhone 6 搶購潮歷時 2 個小時,總算完滿結束了,相信有唔少網友都順利購入 4.7 吋的 iPhone 6,但買唔到的網友亦唔使失望,皆因除了 9 月 16 日仲有一次機會之外,其實電訊商亦會陸續推出 iPhone 6 上台計劃,適逢各位要續約的話,又唔想捱炒價 / 想劏機玩平 Plan 的話,其實也是個不錯的選擇。

要注意的是,除了未必上台即刻有機俾到你、以及需要訂金之外,電訊商的 iPhone 月費計劃一般會比普通的上台出機計劃更貴,加埋什麼「隧道費」、「增值服務」等等,計落其實相當頭痕,想知道邊個台、點樣出 iPhone 先至最精明?就等小編逐一為大家計一計出機總成本啦!

 

 
中國移動香港
 

中國移動香港可以話是最「快手」推出相關 iPhone 月費計劃的電訊商,當中 iPhone 6 分別有 1GB、2.5GB、6GB 及 10GB 月費計劃選擇、而 iPhone 6 Plus 就僅得 6GB 及 10GB 月費計劃,而從基本月費去睇已經知道比一般上台 Plan 更加昂貴,算是直接加價,馬上列表同大家分析一下!

 
▲ 中國移動香港 iPhone 6 上台總成本一覽
 

其實睇完上圖的網友相信都好清楚,無論你選擇邊一個 Plan,都比你自己用原價買 iPhone 6 / 6 Plus 再用攜機上台 Plan 貴小小!等於其實你用比原價更高價錢去同電訊商買機,換得早日享用(或炒賣) iPhone 6 / 6 Plus 的機會…

到底抵唔抵,劏機出去有冇賺?和「攜機上台」計劃比較,以 iPhone 6 Plus 16GB 為例,上 6GB Plan 的話,只要你可以賣機賣到 HK$12632 -  5520 的價差,亦即賣到 HK$7112 的話,就可以俾你用比平時「攜機上台」更低的價錢玩到 5GB Plan ,如果早日上台出到機的話,其實難度唔高。

 
▲ 同返中國移動的「攜機上台」總成本去比較,你會發現只要你的 iPhone 6 能夠以炒價高大概 1  - 2 千的價錢賣出,其實已算有賺!(賺了更低的月費成本)
 

 
CSL
 
至於同中國移動相比的話,CSL 的出機總成本會高一點,如果以純以劏機為目標的話,確實不是一個好選擇,但如果本身已想轉用 CSL 或者續約的話,其實都有得諗!以 iPhone 6 Plus 16GB 為例,如果選用 5GB / 6GB Plan 的話,計返機價大概為 HK$7080,以開售初期黎講的炒價一定唔止,無論自用抑或變賣,都能以較「攜機上台」更平的月費享用服務。
 
▲ csl. 的總成本雖然比較高,但如果扣返本身已經偏高的基本月費收費的話,對於本身就想上台用 csl. 的用家會比較划算
 

 
1O1O
 
至於主打服務質素的 1O1O,基本月費收費當然冠絕其它電訊商,不過相對的機價預繳回贈金額亦相當高,如果會用返 1O1O 服務的話,實際機價其實也是和其它電訊商相近,以 iPhone 6 Plus 16GB 為例,選用 5GB 月費的話,扣除本身攜機上台月費後,淨機價約為 HK$5928,主因為其攜機上台月費成本實在太高,本身想上 1O1O 的話,可以趁這個機會平價上到。當然,基於同為 0 機價下,「愈高機價愈抵」的原則下,如果以炒機(16GB 版本)為目標的話,1O1O 是非常不適合的。
 
▲ 始終 1O1O 月費比較高昂,除非本身已想用 1O1O 或會購買 128GB 版本的 iPhone 6,否則純以劏機玩平 Plan 的考慮出發是相當不化算的
 

 
Smartone
 
至今 Smartone 的 iPhone 6 上台總成本就比 csl. 略低一點點,不過相信也並非各位劏機首選,以 5 / 6GB Plan 為例,iPhone 6 Plus 16GB 價錢再扣去本身淨月費的話,機價為 HK$7104,而 Smartone 本身則提供其它台都無的 4G 無限數據計劃,雖然受公平使用量所限,但對於想轉約的高用量用家,趁住今次 iPhone 6 劏機上台也是不錯的選擇。
 
▲ Smartone 的上台出機成本和 csl. 相近,繼續以無限數據吸引用家
 

 
3 香港
 

至於最遲登場的 3 香港的上台出 iPhone 計劃,可以話是最適合想劏機人士選擇的方案,皆因 3 香港提供全港總成本最低的 iPhone 6 上台 Plan,以 16GB iPhone 6 Plus 為例,最平的 500MB 計劃總成本只為 HK$9644,與原 800MB 上台月費實際相差 HK$6044,如果能以 HK$7000 左右價錢賣出,就等於大概用 HK$3000 以下價錢玩到 24 個月 500MB 數據,計落是否抵呢?

 
▲ 3 香港出 iPhone 6 的入場價是眾電訊商中最低的,不過還是不太可能出現炒價比總月費 + 機價還高的情形,只能當幫補一下月費
 

 
總結
 

分析完全部電訊商的計劃,相信大家都很明瞭一點,就是今年幾乎可以完全不用去諗有免費數據月費俾你賺了,皆因全部電訊商的 iPhone 計劃基本月費都上調之後,只有你能以炒價賣到 iPhone 6 / iPhone 6 Plus 先有可能「以較平月費」去用到各電訊商的數據服務。以最有潛力的 3 香港為例,iPhone 6 Plus 16GB 的總成本為 HK$9644,意謂大家要高於這個價錢賣出,才算真正賺到「免費月費」,難度比歷年都高上很多。

簡單黎講,今年想上台出 iPhone 適合 2 種人,第一當然是想用「比炒價稍為合理」的價錢,又願意坐台監,想盡快買到 iPhone 6 的人;第二種就是合約即將到期,希望用比「攜機上台」更抵月費續約 / 開新約的用家。

 
 
分享至Facebook   分享至微博  

 
 
index
 
;