返回
【手機教室】13 個你未必知的 LG G4 實用小秘技
2015-07-11
作者: Wai

【手機教室】13 個你未必知的 LG G4 實用小秘技
 
 

近期幾部旗艦機價錢都有顯著回落,甚至連 LG G4 都係四千中就可以即刻入手,用家們又會唔會被佢個皮革機背同超強鏡頭吸引到?

LG G4 鏡頭方面的升級固然相當明顯,但介面功能其實都係由歷代的 LG UI 演化而來。對於部分資深 LG 用家來講可能係日日用的功能,但如果你對之前幾代 LG 手機唔多熟悉的話,不如又黎睇睇呢十三個小秘技吧!

 

 
 Home 鍵任你擺
 
 
 

如果你係由 Samsung 「轉會」過來的話,可能會不大習慣 LG G4 的虛擬鍵位置吧?其實 LG 支援虛擬鍵重新排列功能,除了可以掉轉 Back、Home 鍵之外,仲可以加入通知顯示、雙 SIM 切換等功能。

方法:
「設定」>「主頁觸摸按鍵」

 

 
 打字更 Fit 手型 - 調整鍵盤高度、組合
 
 
 

同上代 G3 一樣,LG G4 也是預載自家的 Smart Keyboard,支援多款中文輸入法之餘,最好用係佢可以俾用家自由調整鍵盤高度及特殊鍵排列。無論你隻手係大係細,係 G4 上一樣都可以輕易打字。

方法:
「語言與輸入裝置」>「LG 鍵盤設定」>「鍵盤高度和版面」

 

 
 Smart Lock既方便又安全
 
 

▲ Smart Lock 可以讓用家在連接智能手錶或者身處指定位置時解除密碼鎖

 

唔少用家都會為手機設定密碼或者圖型鎖,費時擺低手機個時被其他人睇到手機入面的內容。不過如果你嫌咁樣太麻煩,想返到屋企部 G4 識自動解除密碼鎖的話,就要試試 Smart Lock 喇!

Smart Lock 可以話同時照顧到方便同安全,只需先設定一系列的條件,例如當 連接緊你隻智能手錶、藍牙耳機,又或者 GPS 定位係屋企附近時,LG G4 就會自動解除密碼鎖,一㩒著個芒就即刻用得。

而當 G4 偵測到手機不再連接指定智能手錶、又或者位置已經離開屋企附近時,就會自動重新啟用密碼鎖。

方法:
「設定」>「SmartLock」

 
 

 
 講電話更好聲
 
 
 

LG G4 內置有噪音抑制以及提升通話清晰度的功能,不過預設都是關閉狀態,如果用家身處嘈雜環境,不妨在通話設定中啟用呢兩個功能,聽下又會否有改善?

方法:
「撥號鍵盤」>右上角目錄鍵>「通話設定」

 

 
 多屏操作用盡個大芒!
 

▲ DualWindow 雙屏顯示功能

 

畢竟身為旗艦機,LG G4 當然也支援多屏處理功能 - 而且不止一個,係有兩個咁多!首先有類似 Samsung 的 DualWindow 功能,會以上下 / 左右的方式同時顯示兩個程式。

至於另一個就係 Qslide 應用程式,比較似 Windows 咁,用小視窗方式同步顯示瀏覽器、計算機、日曆等功能,操作過程中也可以將其拉到螢幕邊緣「最小化」,打打下機想睇攻略wiki 就最啱用。

方法:
DualWindow:Recent App 鍵啟用
QSlide 應用程式:點按通知列上的 QSlide 快捷鍵;或在瀏覽器、計算機、日曆中選擇「QSlide

 
 

▲ Qslide 小視窗模式

 

 
 㩒兩下秒速影相
 
 

LG G4 主力 Sell 相機,除咗影得靚,其實影得仲好快。LG G4 支援快速拍攝功能,就算手機係關上螢幕的鎖定狀態,只要連按兩下音量鍵(-),就可以立即啟動 G4 相機拍攝,Snapshot 玩家一定要知!

方法:
任何狀態下連按音量鍵(-) 兩次

 

 
 手勢自拍、唔靚影到靚
 

▲ G Flex 2 的手勢自拍+手勢預覽功能,在 G4 上也適用啊!

 

LG 將 G4 前鏡頭升級到 500 萬像素,相信唔少用家都會用多 D 黎自拍吧?

其實 LG G4 也支援手勢自拍 + 美肌功能,而且最更可以俾用家連續自拍 4 次,唔靚都幫你影到靚。另外自拍完只要拎部機埋黎睇,G4 的手勢預覽就會自動顯示啱啱張相,夠哂方便。

 

 
 LG SmartWorld 下載第三方主題
 
 
 

LG G4 內置個幾款主題唔夠用?其實只需登入預載的 SmartWorld App,就可以搵到更多第三方設計的 LG UI 主題、字型,甚至連鍵盤主題都有,鐘意幫部手機改頭換面的用家必 Like!

方法:
更換主題 - 「設定
」>「桌面」>「主題
下載主題 - 登上預載於手機中的 SmartWorld

 

 
 Apps Icon 放大縮細任你玩
 
 
 

除了更換主題之外,LG G4 就連 App Icon 都有好多野玩,例如部分預載程式包括音樂、日曆等,只要將圖示放係主畫面上面,再放大佢就會自動變成 Widget。

另外大家亦可以隨意更換 App Icon,甚至將佢放大縮細,換自己張相落去都得。

方法:
長按主畫面上的圖示,可選擇放大或更換圖案

 

 
 關閉主畫面上的 Smart Bulletin
 
 

Smart Bulletin 係 LG 為 G3 同 G4 設計的專用資訊介面,會係主畫面最左邊新增一頁來顯示當日行程、音樂播放、運動數據、遙控器等工具及資訊,但如果你都係覺得呢頁無咩用的話,其實可以直接將佢關閉。

方法:
「設定
」>「桌面」>關閉「Smart Bulletin

 

 
⑪ 簡化通知列配置
 
 
 

功能十足的通知列係 LG UI 特色之一,但如果你嫌佢大哂位,霸足畫面一半空間令你睇唔哂通知?話,其實可以幫佢瘦瘦身,飛走平時較少用的控制列。

只需打開通知列入面的編輯功能,就可以選擇關閉亮度或者音量控制,刪走平時較少用的音量控制或亮度控制。

方法:
通知列
上的「編輯」功能 > 關閉「亮度」或「音量

 

 
⑫ 雙擊通知列鎖定手機
 
 

相信唔少用家都知,雙點 LG G4 個螢幕係可以將佢喚醒,之後同樣雙點主螢幕的空白位置就可以熄芒。但當螢幕上無空白位置時,其實只需直接連按兩下通知列,一樣可以將 G4 熄芒鎖定。

方法:
連按兩次通知列
鎖定手機

 

 
⑬ 雙重保障!鎖定重要相片影音檔案
 

▲ 在相片目錄中直接按「鎖」,就可以將相片丟入鎖定檔案

 

如果你用 G4 影咗 D 相,又唔想比其他人睇到的話。除咗記得用密碼或者圖型鎖實手機之外,G4 相簿亦有另一重鎖定功能,上鎖後的相片會自動消失、轉移到「鎖定檔案」入面,要先輸入密碼或者圖型鎖先有得睇,多一重保障總係比較好吧?

方法:
相片目錄 > 「鎖」

 
 

▲ 之後要選擇「顯示鎖定相片」,再輸入密碼或圖型鎖先可以睇番

 
 
 
 
搜尋