新一代食雞神器?電競手機 ROG Phone 打機實測
返回
新一代食雞神器?電競手機 ROG Phone 打機實測
01-11-2018
作者: Wai
其他焦點新聞:
17-11-2018
17-11-2018
17-11-2018

新一代食雞神器?電競手機 ROG Phone 打機實測

 

 

近年連手遊都吹起電競熱,對於一心求勝的用家來講,有部專為打機而設的手機確係寧舍唔同。最近備受機民期待的 ROG Phone 終於到港,在港版開箱及效能實測之後,究竟佢打機方面同其他旗艦機又有咩分別呢?今次就來實測同大家看看。

 

 
用盡 2.96GHz 最強效能:X Mode
 

除了極具電競感的外型設計,Asus 也特別為 ROG Phone 設計專用的遊戲中心功能,除了管理遊戲程式,更特設專屬 X Mode - 啟用後 ROG Phone 系統會為遊戲優化,清空其他程式所佔資源,提升遊戲效能表現。

此外 X Mode 更加入細緻設定,可按不同遊戲設定 CPU 時脈,螢幕更新率等,例如玩 PUBG Mobile 時,可設計為用盡手機效能,但如果玩 Kill Time 類小遊戲,則可限制時脈、更新率增強續航力。

 
 
▲ ROG Phoone 內置的遊戲中心 App,除了可以睇到CPU 時脈、溫度之外,也可設定 X Mode、風扇速度以至機背的 RGB 燈效
 
 
▲ X Mode 可個別設定遊戲所使用的時脈及螢幕更新率.
 

▲ 搭載超頻版 S845 的ROG Phone,以 2.96GHz 試玩傳說對決幾乎全程維持在封頂的 60fps
 

▲ 至於 PUBG Mobile,將畫質調至最高,試玩時幾乎整場都維持封頂 40FPS,未見有跌幀情況出現
 

▲ 超頻去到 2.96GHz 的 ROG Phone,雖然打機時又順又爽,但另一方面機身發熱就會較明顯,實測時機背溫度去到 35.7 吋,會有輕微的燙手感
 
 
但究竟 ROG Phone 限制時脈會否較省電呢?以下就用傳說對決來測試,設定 2.96GHz 及 2.09GHz 測試半小時,睇睇 CPU 溫度及電量消耗:
 
時脈 2.96GHz 2.09GHz
最高 CPU 溫度 36 度 36 度
耗電 (30分鐘) 14% 12%
▲ 限制時脈後,ROG Phone 打機時的 CPU 溫度雖然仍然維持在最高 36 度,不過耗電情況就有小改善
 

 
打機最強幫手:AirTrigger 操作有家用機 Feel
 

除了 X Mode,ROG Phone 另一個專為打機的設計,就是機側的超聲波觸控鍵 AirTrigger,除了可以做到像 HTC U12+ 的一握快速啟動之外,在遊戲時更可設定為「L」「R」鍵,指定為畫面上任何一點。

例如食雞 PUBG 時,就可以將開槍、開鏡設定為「L」「R」,玩落似用手掣,比單純 Touch 會有額外優勢!

 
 
▲ 同 U12+ 一樣,AirTrigger 有快速啟動的功能,一握手機即時使用
 

▲ 至於進入到遊戲,AirTrigger 就會變身成為觸控式「L」「R」鍵,可自由設置為畫面上任一觸控點
 

▲ 試玩配合 AirTrigger 的 ROG Phone 手感似家用機手掣,對於 PUBG Mobile 這類按鍵過多的遊戲來講好幫得手,堪稱新一代食雞神器
 

 
續航力實試!4000mAh 打機夠唔夠長氣?
 
電量方面,同 Note 9、P20 Pro 等長氣手機一樣,ROG Phone 也內置到 4000mAh 超大電池,但實際上佢續航力表現又如何呢?以下有實測:
 

▲模擬日常應用,ROG Phone 測試由 100% 至 20% 錄得 10 小時 7 分的連續使用時間,以內置 4000mAh 大電池的手機來講續航力雖然唔算突出,但就算會用來打機的話,ROG Phone 也有足夠一整天使用的電量。
 
  消耗電量
打機 (1 小時) 27%
YouTube 播放 (1 小時) 12%
 

 
支援超廣角拍攝!ROG Phone 雙顗相機試拍
 

除了最強打機效能之外,ROG Phone 也搭載到 1200 萬像素 + 800 萬像素雙鏡頭,搭載比 ZenFone 5 更大的 F/1.7 大光圈,另外除了支援四軸 OIS及 AI 拍攝的主鏡頭之外,副鏡頭更支援 120 度超廣角拍攝。

拍攝來講 ROG Phone 表現紮實,主鏡頭 HDR 拍攝有唔錯表現,尤其夜拍時可避免光暗差距太大而爆光,在細節保留方面做得不錯。而超廣角鏡頭雖然畫質一般,但放上 Facebook、IG 仍然綽綽有餘。

 

▲ ROG Phone 的 12mm 副鏡頭可帶來 120 度的超廣角拍攝效果
 

▲另外 Asus 也將智能相機 Google Lens 整合在相機之內,可直接搜尋拍攝到的影像
 
ROG Phone 試拍:

▲超廣角鏡頭, 自動模式
 

▲標準主鏡頭, 自動模式
 

▲標準主鏡頭, 自動模式
 

▲超廣角鏡頭, 自動模式
 

▲標準主鏡頭, 自動模式
 

▲標準主鏡頭, 自動模式
 

▲超廣角鏡頭, 自動模式
 

▲標準主鏡頭, 自動模式
 

▲標準主鏡頭, 自動模式
 
更多 ROG Phone 報導:
 
最強電競手機到港!ROG Phone 機價 + 配件售價
 
超頻 S845 有幾快?2.96GHz 極速 ROG Phone 效能實測
 
ROG Phone 手機規格
 
 
 
分享至Facebook   分享至微博  

 
搜尋