黑科技驗證:vivo NEX 入手前必知六大重點
返回
黑科技驗證:vivo NEX 入手前必知六大重點
09-08-2018
作者: .
其他焦點新聞:
15-10-2018
15-10-2018
15-10-2018

黑科技驗證:vivo NEX 入手前必知六大重點


 

仲等M字額旗艦?雖然蘋果上年部 iPhone X 一度掀起「瀏海」風潮,但最近熱潮已經被用真.全屏設計的新機蓋過。而當中的表表者,當然就係最近剛剛開賣,一度被搶到唔夠貨的 vivo NEX

NEX 是首部採用升降鏡頭設計的真全屏手機,有落過鋪玩機的話,相信都比佢個屏佔比嚇親。畢竟 NEX 屏佔比達到 91.24% 咁高,拎上手試玩感覺好似拎住一枚螢幕咁。

不過要做到咁高屏佔比,vivo 今次其實在 NEX 上投放了不少新技術,包括升降鏡頭、全屏幕發聲以至隱藏式感測器設計。究竟呢堆新技術又實唔實用,另外入手 NEX 前仲有咩必知要點呢?今日一次過話你知!

 

 
1. 升降鏡頭襟唔襟?升降速度、負重實測!
 

為了將全屏設計去得更「盡」,vivo 選擇在 NEX 上採用靜音摩打升降鏡頭設計,不過有用家就會擔心,鏡頭升起會唔會好慢,另外又襟唔襟用呢。以下來實測看看!

首次試的,是 NEX 的升降鏡頭速度,畢竟自拍已經係唔少用家的每日指定動作。如果鏡頭要成幾秒先升出黎,似乎就唔算好用了。究竟 NEX 啟動前鏡頭要幾耐呢?

 

▲ 實測時,NEX 只需 1.13 秒就完成前鏡頭啟動。不過單睇 NEX 的速度似乎唔多足夠,因此小編順道也測試其他手機的前鏡頭啟用時間:
 
手機

前鏡頭啟動時間
(由按下相機 App至出現影像)

Samsung Galaxy Note 8 00.98
Sony Xperia XZ2 Premium 00.92
HUAWEI Mate 10 00.99
LG G7 01.06
▲ 市面上部分手機的前鏡頭啟動時間,普遍來講啟動時間都在一秒左右。相對之下跟 NEX 的1.13 秒分別不大,在現實生活感覺不到有太大差別
 
升降鏡頭有幾硬淨?實機殘酷測試
 

不過相信網友們最想知的,都係 NEX 個鏡頭本身做得夠唔夠硬淨吧!究竟升降鏡頭能否抵抗到日常生活中遇到的撞擊呢?立即用實機同大家測試看看:

 

▲ 先啟動 NEX 前鏡頭,再拎起佢係咁「Chok」部 NEX,測試過後似乎對手機無太大影響,前鏡頭亦未見鬆動

▲ 接下來就試試簡單 Drop Test,啟動前鏡頭後直接用鏡頭落地,高度約 30cm,跌完似乎都係無太大影響,鏡頭組件仍然穩固

其實 vivo 在發佈 NEX 時,除了提過至少可升降 50,000 次之外,更可承認 45KG 推力,而實測時就算唔小心跌機,亦未見對內置的升降裝置造成影響,睇黎今次 NEX 的升降鏡頭的確做得相當硬淨!

 

 
2. 無聽筒點出聲?全屏幕發聲會唔會比人聽到?
 

為成就 NEX 91.24% 真全屏設計,除了升降鏡頭之外,vivo 更用到屏下指紋、隱藏式感測器等最新技術。不過講到當中最特別的,當然是首次在 vivo 手機上出現的全屏幕發聲技術!

NEX 內置專用的微震動元件,以震動傳聲方式將通話透過屏幕傳送到用家耳中,以取代傳統手機聽筒。講電話時只需貼近 NEX 螢幕就可以清晰聽到通話內容。但新技術又會唔會比人偷聽到呢?以下實測驗證看看:

 

▲ NEX 支援全屏幕發聲技術,講電話時用整個屏幕、甚至機背都會發聲,用以取代傳統手機聽筒。但全屏幕發聲又會唔會比人聽到你講電話呢?以下的測試,就會分別量度 NEX 在通話前後的環境音量變化:
 

▲ 首先量度小編身處的環境音量,現場是安靜的室內環境,錄得 37.8 dBA
 

▲ 接下來就將 NEX 放在距離分貝計 20CM 的距離,測量之後通話時的環境音量
 
 

▲ 講電話時,現場環境音量只有小變化,錄得 42.6 dBA,跟之前的環境聲音僅差了約5 分貝,顯示在 20cm 以外,幾乎無法聽到 NEX 的通話內容。

咁要幾近先聽到呢?就算在安靜的室內環境,要偷聽 NEX 講電話,實測時幾乎要將頭貼到距離手機 10cm 左右的位置。而要在現實中咁偷聽又不被發現的話,實在有點難度。

 

 
3. 無邊視野:NEX 全面屏有咩優勢?
 
加入眾多黑科技才成就 vivo NEX的 91.24% 真全屏,究竟實際使用效果如何?其他第三方程式顯示時又會否出現問題呢?立即試比你睇!
 

▲ 採用真全屏顯示設計的 NEX,雖然操作手感跟傳統的 5.7 吋 16:9 螢幕手機相若,但實際上 NEX 螢幕尺寸達到 6.59 吋,有更廣闊的顯示視野
 

▲ NEX 採用屏幕指紋辨識設計,用手指按壓螢幕就可以即時解鎖

 

▲ 加上 NEX 所用的 18:9 顯示比例已屬 Android 新趨勢。以 YouTube 為例,就可以將影片放大至用盡 NEX 的全屏顯示,配上 AMOLED 超靚畫質,睇片有更強的臨場感
 
 
▲ 就算是較舊的第三方 App,vivo 的 FunTouch OS 亦有幫手做優化,以未支援 18:9 顯示的九巴 App 為例,也可以在系統設定中選擇適配至 18:9 全屏顯示
 


▲ 唔講唔知,除了一般程式外,打機時用 NEX 的全屏其實仲有額外優勢,以大熱的 MOBA 遊戲「傳說對決」為例,相對於傳統 16:9 顯示手機,NEX 可以顯示到更多遊戲地圖內容,方便玩家早著先機取得優勢
 

 
4. 電競級表現:最強效能 S845 手機係佢?
 
在真全屏設計之外,vivo NEX 內部規格同樣唔弱,搭載到現時最強級別的 Android 手機規格,內置 Snapdragon 845 八核處理器的同時,更是少數配備 8GB RAM 的智能手機,但實際上 NEX 的遊戲、效能表現又如何呢?立即實測睇睇:
 
▲ 先用 Antutu 測試 NEX 的整體效能表現:就算是一般 Snapdragon 845 手機,在 Antutu 測試中大多都只能測出 26 萬分左右的成積。而 NEX 的表現就有點出人意表,在 Antutu 實測中跑出 28 萬7千的高分,證實就算對比其他 S845 手機,NEX 在效能方面都有更突出的表現
 

▲ 至於遊戲方面,用 NEX 試玩「傳說對決」,同時啟用高清畫質及高幀率模式,NEX 可穩定地顯示 60fps 流暢畫面。就算是多人團戰同時顯示大量特效時,都未見有明顯掉幀問題,堪稱電競級表現
 
▲ 此外 NEX 更內置專為電競手遊而設的遊戲模式,會自動優化系統讓玩家打得更順更爽之外,更支援防擾功能,唔怕去到緊張關頭時有通知彈出影響操作
 
▲ 可能網友會問,如果有不可不覆的訊息,例如女友、老闆急 Call 時,又可以點做呢?NEX 支援畫中畫功能,打緊機覆 Message 都唔影響遊戲進程
 

 
5. NEX 支援 Hi-Fi 音效嗎?
 
 

主打真.全屏及 S845 電競級效能的vivo NEX,亦同時繼承 vivo 的獨家 Hi-Fi 傳統,配備專屬 Hi-Fi V1 晶片,採用 SIP 封裝技術,將 DAC 及三顆運放組成的運放矩陣集成封裝於晶片之中(CS43199+SSM6322),推力不錯之餘,更帶來相當出色的音效性能:130dB 動態範圍及 -115dB 失真。

 
▲ NEX 支援 Hi-Fi 模式,透過 Hi-Fi DAC 晶片將音訊無損輸出至耳機,將原音完整重現
 
▲ 除了原生播放器之外,NEX 的 Hi-Fi 模式也對應其他音樂 App,就算是用開 Spotify、KKBOX 又或者 MOOV 的用家,都可籍 Hi-Fi 模式強化音效表現
 
▲ 此外 NEX 更支援 vivo 設計的 DeepField 深空音效技術,增強音樂的開闊感
 

 
6. 支援雙 4G!雙 VoLTE香港用唔用到?
 
 

最後值得注意的是,vivo NEX 其實也是一款支援 4G 雙卡雙待的手機,更打通香港的雙 VoLTE 網絡!

什麼是 4G 雙卡呢?原來以往就算手機支援雙卡,但同時最多只有一張 SIM 卡可連接 4G 網絡,另一張則會用 2G/3G 網;而支援 4G 雙卡的 NEX 則可同時連接 4G,並透過雙 VoLTE 享受高清通話質素。

 
▲ 實測時插入兩張香港 SIM卡,除了可同時連接 4G 網絡之外,更打通 VoLTE 服務,SIM 1/2 都有高清通話質素
 
▲ NEX 支援全球 4G 頻段,出國旅行、工作時,幫 NEX 買張預付 SIM 就可以輕鬆流動上網
 

如果網友已經心郁郁,打算入手 vivo NEX 的話,就記得一定要揀港版!

因為港版除了預載 Google Play 及支援香港各大台的 VoLTE,由七月開始所有香港 vivo 手機都已經新增中港台三地聯保服務。香港行貨去到中國及台灣都有原廠維修保養,相反中國版就唔可以拎黎香港維修,詳情可瀏覽 vivo 網頁

 
 
vivo NEX 手機規格
 
vivo NEX 售價:$5,698
查詢:vivo (23010999)
 
<資料由vivo提供>
 
分享至Facebook   分享至微博  

 
搜尋