繁體中文 簡体中文
註冊成會員  
忘記密碼
NO.1
NOKIA
Nokia 6
NO.2
Xiaomi 小米
紅米 Note 4X
NO.3
SAMSUNG
Galaxy C9 Pro
4.SAMSUNG Galaxy C7 Pro
5.Huawei P10 Plus
6.ASUS Zenfone 3 Zoom
7.SAMSUNG Galaxy C5 Pro
8.SONY Xperia XZ Premium
9.LG G6
10.SONY Xperia XZs
Wifi
HD 影片拍攝
NFC
 
對比手機1
對比手機2
對比手機3
新聞館
【新到手機】$6000 有找 港行 ONKYO GRANBEAT 即日開售
【水機速報】抵玩 IP68 防水手機.Samsung Galaxy A5 (2017) 台水到貨
五千有找入手!Xperia XZs 未出機先減價
【新到手機】DAP 級靚聲 ONKYO GRANBEAT 音樂功能速試
返回
【新機測試】「手機雖好,也須模組扶持」Moto Z 評測
02-11-2016
作者: Wai
其他焦點新聞:
24-03-2017
23-03-2017
23-03-2017

【新機測試】「手機雖好,也須模組扶持」Moto Z 評測
 
 

「模組」一度是今年手機界最 Hit 話題,不過未等到年尾,熱潮已經迅速完結,先有 Google 中止 Project Ara,再來更有傳 LG 眼見 G5 反應一般,或於 G6 棄用其 LG Friends 模組設計。

雖然無咩利好消息,但 Motorola 仍然堅持走它的模組之路,首部模組手機 Moto Z 近日終於在港開售,機價 $4999 算有小驚喜,但到底 Moto Z 表現是否對得住其機價呢?另外一系列 Moto Mods 又抵唔抵玩?一齊睇睇 Moto Z 評測。

 

 
為模組而設:Moto Z 5.19mm 激薄設計
 

其實唔玩模組,單睇 Moto Z 也是一部相當有睇頭的手機。

Motorola 一度以經典 RAZR 系列去宣傳 Moto Z,皆因佢真係薄得出奇!手機厚度僅 5.19mm,薄到連 3.5mm 耳筒插口都無位擺,拎上手仿似一塊鐵片般,讓大家再一次見識到 Moto 的造工水準。

但可惜的是雖然 Moto Z 機身夠薄,但手感實在麻麻,主要是因為機側唔似其他金屬手機用鑽石切割設計,上手操作時會有明顯刮手感覺。想拎得舒服的話,最好都係用原廠 Moto Style 背蓋,又或者找個 Bumper。

 
▲ Moto Z 主打超薄設計,配置一枚 5.5 吋 2K 解析度 AMOLED 螢幕
 
▲ 用前置式指紋掃瞄器,但不兼具 Home 鍵作用,初初用落會有忸怪的感覺
 
▲ 800 像素自拍鏡頭設有前置 LED 補光燈
 
▲ Moto Z 機身厚度僅得 5.19mm,因此 OIS 鏡頭相當突出,仿似五蚊銀放係機背咁
 
▲ 機側有齊電源鍵及音量鍵,為方便識別,Motorola 特別於電源鍵加入顆粒設計,一摸就知道
 
▲ 機底僅設 USB Type C 插口,想用番 3.5mm 插口耳筒的話,就要用跟機的轉插器先得
 
▲ 港版 Moto Z 用雙卡設計,SIM 2 同時充當 microSD 插槽
 
▲ 另購的原廠 Moto Style 木質機殼,用咗雖然機身無咁薄,但手感有明顯提升
 
▲ 跟機附送的 USB-C <> 3.5mm 插口連接線
 
▲ 充電方面比較大方,除了有 USB-C 插口的 Turbo Turbo 充電器之外,額外仲有條 USB-C 線作連接電腦、流動充電器之用
 
▲ Turbo Power 充電器支援 5V / 3A 的 15W 快速充電
 

 
Moto Mods 試玩
 
 

Moto Mods 可說是 Moto Z 的靈魂所在,無可否認的是,Moto Mods 整個模組設計比 LG 做得更好,Moto Z 機背內置磁力設計,可直接將 Moto Mods 「吸」住,並透過金屬接點傳輸數據及電力,因此 Moto Z 無需關機即可更換模組,方便程度堪比電腦上的 USB。

伴隨 Moto Z 登場的模組有四個之多,當中最矚目的 True Zoom 之前已經為大家測試過,接下來則會繼續試玩:

 

▲ 由於 Moto Z 本身僅得 2600mAh 電池,續航力明顯較同級手機為弱,因此呢個 incipio offGRIDTM 電殼可說是 Moto Z 用家必揀之選。

雖然價錢略貴,賣到成 $899,但就內置 2200mAh 電池,為Moto Z 提供額外 80% 的電量

 
▲ 電池模組有兩個充電模式可揀,另外幫 Moto Z 充電時,系統會先為手機充電,之後才為模組充電
 
▲ JBL SoundBoost 模組賣 HK$999,為 Moto Z 加入一對音色唔錯的立體聲喇叭,配合座^支架,成個組合比用藍牙喇叭更方便
 
▲ 用加入雙喇叭的 iPhone 7 Plus 同 Moto Z + JBL SoundBoost 比較一下,雖然 iPhone 7 Plus 的播放音量已算不錯,但對比之下聲音會顯得單薄,睇片聽歌效果遠不及 JBL SoundBoost 的兩個大喇叭
 
▲ 至於 Moto Insta-Share 則是 Moto Z 系列專用的流動投影機,定價 $2599
 
▲ 雖然官方話可投影出 70吋大畫面,但由於亮度僅得 50 流明,就算夜晚用都要熄燈先睇得清楚,實用性其實有限
 

 
系統及效能
 

雖然係主打模組的手機,但 Moto Z 本身的硬件規格都唔弱,內置 Snapdragon 820 處理器,配搭 4GB RAM 及 64GB ROM,基本上就是現時旗艦機的標準配置,加上另支援 microSD,要擴充容量都相當方便。

系統方面 Moto Z 搭載 Android 6.0.1,並繼承以往Moto 特色,內置原生 Android 介面,僅加入少量 Moto 的實用功能。對於等唔切 Pixel 行貨的用家來講,似足原生 Android 的 Moto Z 其實也是個不錯的新機選擇。

 
▲ Moto Z 預載 Android 6.0.1 系統,介面設計同原生 Android 幾乎一樣,用落感覺好 Nexus!
 
▲ Moto Z 內置 64GB 容量,扣除系統所佔,會有 53.42GB 的可用空間
 
▲ 雖然 Moto Z 用的是AMOLED 螢幕,但經過 Motorola 的調整,只要啟用「自然飽和度」,就唔會好似過往 AMOLED 手機咁有明顯的偏色,觀賞效果也不錯
 
▲ Moto Z 的自家功能唔算多,主要是手勢操作以及 Moto 的招牌通知概覽功能
 
▲ Moto Z 只要偵測到拎起手機,螢幕就會自動顯示時間以及收到的訊息通知,簡單一按更可睇到預覽,是 Moto 手機最方便的功能!
 
▲ Moto Z 搭載 Snapdragon 820 處理器+ 4GB RAM,用Antutu 測出 130772 分,屬 S820 手機的標準分數
 
▲ 試玩對硬件要求較高的「白貓 Project」,以Android 手機來講操作算頗為流暢,就算多人協力也未有明顯拖慢
 
▲ 再來試玩 NBA 2K17,將所有畫面特效設為「High」,Moto Z 都可流暢運行,唯一是機身會有明顯的發熱
 
▲ 續航力方面,以PC Mark 測試電池使用壽命,由 100%-20% 僅測出 6 小時 29 分鐘的續航時間,比一般旗艦機的 7-8 個小時為短。想用足一日的話,就要靠電池模組 / 流動充電器先得
 

 
唔用模組都掂!Moto Z 1300 萬像素鏡頭試拍
 

雖然 Motorola 另有為 Moto Z 推出 Hasselblad 十倍變焦模組,但咁唔代表 Moto Z 本身個鏡頭唔見得人。畢竟 Moto Z 也用到 1300 萬像素 OIS 鏡頭,其美國版 Moto Z Droid 更於 DxOmark 中取得 84 分,算是滿不錯的成積。

而實際試拍時,Moto Z 對焦迅速、曝光準確,亦能忠實呈現現實環境的色彩氛圍,不過細節方面表現就一般,放大睇會發現唔少細節都被磨走,也有較明顯的油畫化情況。

 
 
 
 
 
 
 

 
小編短評:機價唔算貴、模組好襟計
 

雖然主打 Moto Mods 模組設計,但 Moto Z 單講手機本身,仍是一款相當唔錯的旗艦作品,除續航力偏弱之外,各方面的規格功能均有水準之上的表現,尤其是 RAZR 般的 5.19mm 超薄機身設計,更有令人驚嘆的感覺,算是對得起其 $4999 的定價。

不過 Moto Z 最吸引還是其 Moto Mods 模組,以強化部件的方式簡單地加強手機功能,另外更可隨時換殼,隨心配搭木紋、皮革、壓花等 Moto Style 背蓋,又或者在唔夠電時換上充電模組。

但可惜是 Moto Mods 整體的性價比唔高,尤其十倍變焦的 Hasselblad 模組及投影機模組更賣到二、三千蚊,呢個價錢其實已經買到獨立的同類產品,雖然概念係好,但反而因價錢而顯得未夠實用。

對於小編來講,其實 Moto Z + 充電模組已經相當夠用,鍾意用手機聽歌睇片的話亦可考慮入手 JBL 喇叭模組,會是較抵玩的選擇。

 

Moto Z 手機規格

 
分享至Facebook   分享至微博  

 
 
index