繁體中文 簡体中文
註冊成會員  
忘記密碼
NO.1
OnePlus
OnePlus 5
NO.2
LG
G6+
NO.3
SAMSUNG
Galaxy S8+
4.SONY Xperia XZ Premium
5.SAMSUNG Galaxy C9 Pro
6.HTC U11
7.LG G6
8.SAMSUNG Galaxy C7 Pro
9.Xiaomi 小米 小米 Max 2
10.SAMSUNG Galaxy S8
Wifi
HD 影片拍攝
NFC
 
對比手機1
對比手機2
對比手機3
新聞館
定價更吸引.Plantronics 推出 Voyager 3200 Series
【週末場料】LG 舊旗艦兩千零 街場終於有 U11 機套
【週末場料】開始跌 Galaxy Note FE 平兩舊
Asus預告:ZenFone 4 有雙鏡拍攝
返回
小米 MIX 開箱速測!真正的「黑科技」唔係個芒?
07-11-2016
作者: Wai
其他焦點新聞:
22-07-2017
22-07-2017
22-07-2017

小米 MIX 開箱速測!真正的「黑科技」唔係個芒?

近期最有話題的新機,當然係離奇地炒起個部小米 MIX 啦!雖然本身個價唔貴,但由於中國個邊貨量都唔多,而且個超窄邊框夠哂話題,搞到而家一機難求,有興趣都用家都要食炒價入手。

小編今次火速黎個開箱速測之餘,仲會同大家分析一下小米 MIX 個真正「黑科技」,原來小米都唔係得個抄字!

 

 
小米 MIX 開箱玩,賣四千蚊都係無耳機
 

小米 MIX 反傳統唔用紙皮色、白色外盒,改用全黑包裝設計,個盒仲用上好特別的包裝設計,要左開右揭先開到,而盒內就附送皮革背殼,充電器及 USB-C 線。

無耳機,似乎已經成為小米傳統,就算小米 MIX 係一部賣到 3499 人民幣、約港紙四千銀的手機,但包裝盒內都係唔包耳機,真係買黎自用 Show Off 的話,記得另購耳機啦!

 
▲ 為表誠意,小米 MIX 包裝唔用紙皮色或者白色設計,改用全黑包裝襯番部機
 

▲ 小米 MIX 嵌於包裝盒內,初次亮起螢幕時其無邊框效果的確相當震撼
 
▲ 附送專用的純皮保護殼,雖然小米 MIX 所用的陶瓷機身硬度高,但抗跌能力一般,最好都係戴番個套穩陣 D
 
▲ 無耳機已經係小米手機的傳統,小米 MIX 盒內仍然僅附有充電器及 USB-C 線
 
▲ 小米 MIX 主打窄邊框設計,屏佔比高達 91.3%,因此用到 6.4 吋螢幕,但機身體積都唔算超大
 
▲ 為做到超窄效果,小米 MIX 更特別用到圓角螢幕面板
 
▲ 小米 MIX 僅支援雙卡,並不支援 microSD
 

 
真正「黑科技」 - 懸臂壓電陶瓷導聲
 

小米今年好興講「黑科技」,不過小編覺得小米 MIX 真正擁有的「黑科技」,並非陶瓷機身、又或者超窄邊設計,反而是在發佈會上著墨不多的「懸臂壓電陶瓷導聲」。

同之前 Sharp AQUOS Crystal 一樣,採用三邊窄框設計的小米 MIX,機頂無位放置聽筒喇叭,Sharp 當年就用骨傳導技術,咁小米又點做呢?

在發佈會上,小米就公佈它們的解決方案叫:「懸臂壓電陶瓷導聲」,到底又係咩呢?

 
▲ 小米 MIX 透過機框震動將聲波直接傳送至聽覺神經,因此只要持住部機,就算聽機背都可以講電話
 

先講講原理,MIX 機內的 DAC 驅動單元會透過壓電陶瓷,將音訊轉換成機械震動,並通過微震方式與機身內框共震,講電話時同平時一樣將手機貼到耳旁,就可以透過震動將聲波直接傳送至聽覺神經,從而聽到來電話音,因此無聽筒都可以講電話。

就咁睇陶瓷導聲似乎同現有的骨傳導無咩分別,但其實這才是黑科技厲害所在。

以往 Sharp AQUOS Crystal 所用的骨傳導技術,會要求用家準確地將發聲的震動位置貼實耳骨,方可將聲波傳送予到耳中,也因此實際使用時就未算方便,當震動位置對唔準耳骨,又或者拎開手機時,就會出現聽唔到電話的問題。

 
▲ 小米 MIX 放係檯上,再將耳仔貼住檯面,都可以聽到電話
 

而小米 MIX 的陶瓷導聲技術則成功解決以上問題,由於將陶瓷導聲會將機械震動傳送至整個機身內框,因此小米 MIX 講電話時無論將耳朵放在手機任何位置,都可以聽到來電,甚至反轉手機「聽背脊」都得。

此外由於拎住部 MIX 時隻手都會接收到震動,因此即使將 MIX 離開耳朵,都仍然聽到來電,當然音量、清晰度會有所減弱。甚至可以將小米 MIX 放於檯上,再將耳朵貼住檯的另一邊聽電話。

陶瓷導聲可說是完美地解決骨傳導在應用時的種種限制,稱之為「黑科技」也絕不為過。

 
小米 MIX 手機規格
 
查詢:Mokchi
電話:63882038
 
 
 
分享至Facebook   分享至微博  

 
 
index