繁體中文 簡体中文
註冊成會員  
忘記密碼
NO.1
Huawei
Mate 10
NO.2
Huawei
Mate 10 Pro
NO.3
LG
V30+
4.SAMSUNG Galaxy Note 8
5.SAMSUNG Galaxy C8
6.SAMSUNG Galaxy C9 Pro
7.OnePlus OnePlus 5T
8.NOKIA NOKIA 8
9.HTC U11+
10.Razer Razer Phone
Wifi
HD 影片拍攝
NFC
 
對比手機1
對比手機2
對比手機3
新聞館
【焦點場料】豐儉由人 熱賣 18:9 長芒機有乜揀
【專題報導】S845 + 長焦攝影 CES、MWC 大 Show 有乜新機 ?
唔使靠信用卡?中移香港上台可入機場貴賓室!
每日 HK$18 起 3 香港數據漫遊齊半價
返回
【新機試玩】實試 120Hz 超靚芒!iPad Pro 10.5 上手評測
15-06-2017
作者: Wai
其他焦點新聞:
15-12-2017
15-12-2017
15-12-2017

【新機試玩】實試 120Hz 超靚芒!iPad Pro 10.5 上手評測

 
 

雖然 iPhone 8 還有幾個月才會正式登場,但蘋果亦準備好另一款全新的平板 - iPad Pro 10.5 去回應果迷的期待。

作為主打「生產力」的 iPad Pro 系列最新作,iPad Pro 10.5 除了換上最新的 A10X Fusion 六核處理器以及跟 iPhone 7 同級的 1200 萬像素 OIS 鏡頭之外,最大賣點當然在於其全新的 10.5 吋 Retina 螢幕。咁究竟 iPad Pro 10.5 又是否一如蘋果所言般搭載「最先進的顯示器」呢?即睇上手實測!

 

 
窄邊設計:iPad Pro 10.5 上手玩
 
 

作為「Pro」系列最新作,iPad Pro 10.5 外型雖然未見大改動,但因規格升級而改變的細節也有不少,例如改為突出式設計的機背鏡頭,以及更顯而易見的窄邊 10.5 吋 Retina 螢幕。

 
 

iPad Pro 10.5 雖然改用更大的 10.5 吋 Retina 螢幕,但由於改用窄邊設計,因此實際機身尺寸、重量都不比上代 iPad Pro 9.7 吋大 / 重好多。

另外值得留意的一點是,iPad Pro 10.5 升級搭載 1200 萬像素 OIS 相機的同時,機背鏡頭也因此而用到更突出的設計,望落會相當突兀,所以筆者會建議 iPad Pro 準用家入手時買埋保護殼。

 
▲ iPad Pro 10.5 改用窄邊框設計,因此螢幕尺寸雖然有所加大,但實際體積唔比 iPad Pro 9.7 大好多
 
▲ iPad Pro 10.5 升級搭載 iPhone 7 的 1200 萬像素OIS 相機,因此鏡頭會較上代更為突出
 
▲ iPad Pro 系統特點之一,機身設有連接 Smart Keyboard 的金屬接點
 
▲ 沿用 Lightning 插口
 
▲ iPad Pro 10.5 保留 3.5mm 耳筒插口之餘,亦繼續配備四喇叭設計,無需連接藍牙喇叭,打機睇片都有一流享受
 

 
120Hz 超靚芒實測 :iPad Pro 10.5 / 9.7 比一比!
 
 

既然蘋果稱 iPad Pro 10.5 的螢幕為「最先進的顯示器」,當然就唔止將螢幕尺寸加大咁簡單。

iPad Pro 10.5 說得上「iDevice」 的集大成之作,除了繼承 iPad Pro 9.7 的 TrueTone 技術之外,亦加入 iPhone 7 的 P3 廣色域顯示效果,另外更是首部同時支援 HDR 影片及 120Hz 更新率的平板。

咁實際顯示效果如何呢?今次筆者就找來上代 iPad Pro 9.7 比一比,睇睇 iPad Pro 10.5 同 120Hz 超靚芒實際睇落有幾大分別!

 
TrueTone 顯示
▲ 在 TrueTone 顯示方面,實試時就算在同一燈光環境,iPad Pro 10.5 (右) 的顯示色溫會較 iPad Pro 9.7 (左) 稍為再偏暖一點,但整體分別唔算好大
 
廣色域顯示

▲ 雖然 TrueTone 方面分別不大,但講到色彩方面,iPad Pro 10.5 (右) 由於加入 P3 廣色域顯示技術,因此就算顯示同一相片,可以顯示到的色彩也明顯較 iPad Pro 9.7 (左) 更貼近現實環境。

以圖中的網頁相片為例,背景的木檯顏色在 iPad Pro 10.5 (右) 上會顯得更「實淨」,至於 iPad Pro 9.7 相對之下就會略帶灰色,可見就算對比公認「靚芒」的舊 iPad,iPad Pro 10.5 在顯示方面仍有相當優勢,稱之為最靚芒平板也當之無愧。

 
120Hz 畫面更新率實試

▲ 至於最後、也是 iPad Pro 10.5 最特別的一點,當然是畫面更新率較一般平板達到 120Hz 的顯示技術。

以網頁掃動為例,相對於更新率僅 60Hz 的 iPad Pro 9.7 (左) ,iPad Pro 10.5 (右) 在掃動時畫面明顯無咁「Lag」,也不會再出現窒下窒下等問題。

 

 
編輯短評:入手 iPad Pro 10.5 唔使急?等埋 iOS 11 都得
 

雖然俗語話「早買早享受」,尤其對於 iPhone、iPad 呢類減價唔多的產品就應該更加貼切,但今次這部 iPad Pro 10.5,筆者倒是認為的確唔使咁急入手。

iPad Pro 10.5 的確擁有令歷代 iPad 都相形見絀的出色顯示效果,也搭載到效能突出的 A10X Fusion 六核處理器及媲美 iPhone 7 的 1200 萬像素 OIS 鏡頭,加上眾多配件選擇,可說是現時市面上的最佳流動平板。不過在硬件規格以外,新 iPad Pro 另一大賣點其實在於 iOS 11 的全新介面、功能設計,為 iPad 帶來足以媲美 PC 的操作體驗。因此現時預載 iOS 10 的 iPad Pro 10.5,稱得上是尚未發揮到完整實力。

當然 iPad Pro 10.5 仍然是一款早買早享受的產品,但對於打算用 iPad Pro 10.5 去取代筆電的用家來講,等埋 iOS 11 推出時再入手亦唔算遲啊!

 
 
分享至Facebook   分享至微博  

 
 
index