手機規格
手機館 >> ALCATEL >> ONETOUCH Hero

型號

ONETOUCH Hero

簡介

6 吋 1080p IPS 大屏幕手機,內置 MTK 1.5GHz 四核處理器、3400mAH 電量、支援雙卡雙待,附送專用 LED 燈顯示 Magic Flip

刊登日期

12-03-2014

 
總投票: 459
外型
1.3
功能
2.2
性價比
1.3

返回
OIS+ 千三萬像素鏡頭、LG G Pro 2 香港夜拍實試
14-03-2014
作者: Chung

OIS+ 千三萬像素鏡頭、LG G Pro 2 香港夜拍實試
 
>>>歡迎到訪 LG 討論區 繼續討論<<<
 

LG G Pro 2 行貨總算黎到香港,部機規格、效能有幾掂,相信大家之前睇水貨 G Pro 2 評測已經睇左好多。但原來 G Pro 2 的 1300 萬像素 OIS+ 鏡頭除咗影相勁之外,仲內藏不少玄機,包括類似 Nokia Refoucs 的重新對焦效果、自動白平衡閃光燈、前置鏡頭補光拍攝等等,加上之前已有的背控鍵拍攝,剩係試鏡頭功能都有排試!

 

 
1300 萬像素 OIS+ 鏡頭夜景實試
 
雖然 LG G Pro 2 的鏡頭像素唔算高,但勝在有好用的光學防手震功能,在夜拍時顯得尤其重要。而實際拍攝後,筆者除了發現鏡頭反應速度比 G2 快上不少之外,畫質成像更令人非常滿意,即使夜間拍攝,雜訊控制、銳利度都相當不錯,比 G2 進步不少,以畫質而言絕對屬於中上水平。
 
▲ LG G Pro 2 的拍攝介面上新增了不少新模式同功能,等會逐一同大家拆解!
 
▲ 除了畫質提昇之外,G Pro 2 的觀景窗延遲問題亦有很大改善,從上片可以見到基本上已經接近同步顯示的速度
 
室內相片實試(點圖放大):
 

 

 
夜間相片實試(點圖放大):
 

 

 

 

 
支援 4K 影片拍攝
 
LG G Pro 2 的鏡頭另一賣點,就是和 LG G Flex 一樣支援 4K 影片拍攝,拍攝更高解像度、更清晰的影片。而筆者從電腦上直接觀看成品時,雖然仍能見到壓縮過度的痕跡,但整體成像當然仍較 1080p 清晰,而 120fps 拍攝亦支援於手機 1/4 慢速播放。至於容量問題,一條 30 秒的 4K 短片已佔了約 112MB,相信如果單靠手機內置容量是不足夠的。
 
▲ 上述 4K 影片於燈光昏暗的發佈會場內拍攝,大家緊記打開 Youtube 的畫質選項,看看 4K 解像度的威力
 

 
Magic Focus
 
講完最基本的夜間拍攝同 4K 影片有幾犀利,當然唔少得講講手機加入的內置拍攝功能啦!當中最先為大家介紹的 Magic Focus,其實是幾家廠商,例如 Nokia、Samsung、Sony 都有類似的背景散焦 / 重新對焦功能,簡單而言就是可以讓用家「先拍攝、後對焦」,從而營造出自己最想要的景深效果。
 
▲ 拍攝完成後,用家就可以在相薄中調較對焦點,可以用手動觸控的方式指點對焦點或用拉桿形式選擇對焦距離,當然亦可一鍵點擊「全對焦」令整張照片都清晰
 

 
Natural Flash
 

以往大家用手機拍攝,可能都唔敢亂開閃光燈,皆因很容易就出現「死白」或者「錯色溫」現象,比唔開閃光燈更慘烈。

但 LG G Pro 2 就加了名為 Natural Flash 的閃光燈功能,會根據環境光源,自動調較閃光燈的出力和調整色溫,令閃光燈表現得更自然,筆者會形容為「可以真正用到的手機閃光燈」,效果相當唔錯!

 
▲ 上圖為開啟 LG G Pro 2 閃光燈拍攝的照片,可以見到閃燈就咁「直打」都一樣出力平均、柔和,白平衡亦幾準確,加上開啟閃光燈後,背景沒有因為反差過大而過曝,以後大家幫人影相就算背光,都可以放心大膽開閃光燈影相啦!
 

 
自拍補光模式
 

主鏡頭睇落去就好勁啦,咁手機 200 萬前鏡頭又是否無特色,一樣要係昏暗環境影雜訊?

非也,LG 今次特意為自拍用家加入自拍補光模式,雖然手機前方無 LED 燈,但 LG 就非常聰明地諗到可以用 6 吋螢幕做光源,係自拍既時候將手機螢幕調到最亮白,從而為人面補光,出黎效果雖然會偏冷一點,但就較前置閃光燈更柔和!

 
▲ 用家用前鏡頭自拍時開啟閃光燈模式,手機就會自動縮小觀景窗,將周圍螢幕空白的地方作為光源,為人像「補光」
 
▲ 上圖為用前鏡頭 + 螢幕補光拍攝的照片,由於是用前鏡頭拍攝,像素較低,不過見到成像其實都唔算太差啦!
 

 
前置影片拍攝 Live effect
 
最後要介紹的這個前置鏡頭影片拍攝模式-Live effect,就同上述幾款實用功能有點唔同,而且其實係上代 G Pro 已經出現過,唔算太新,但仍值得重提。用家只需開啟前鏡頭影片拍攝,並且選擇 Live effect 模式,相機就會自動偵測人樣,幫你自動「醜化」,變大眼仔、細嘴妹、壽星公咁,同一大班 FD 合照時,相當搞笑!
 
▲ 用上 Live effect 功能,就連靚女 Model 都即刻變大口妹,超搞笑!
 
▲ 除左變大口,其實仲有好多其它唔同變形功能俾你揀!
 

 
總結:G Pro 2 鏡頭功力有驚喜
 
講拍攝功力的話,LG G Pro 2 確實比筆者幾大驚喜!其實 G2 時候攝力已不算差,黎到 G Pro 2,唔單止畫質、反應速度大大改善,更真係發揮創新精神,加入唔多真係用得到的功能,當中的 Natural Flash 功能筆者覺得最有用,從來無諗過手機閃光燈都可以咁聰明。相信對一眾重視拍攝功能的用家而言,LG G Pro 2 確實是一個好選擇呢!
 
LG G Pro 2 詳細規格
 
>>>歡迎到訪 LG 討論區 繼續討論<<<
分享至Facebook   分享至微博  
如以上手機資料有遺漏或錯誤,請按此匯報
搜尋