手機規格
手機館 >> Xiaomi 小米 >> 小米 Note

型號

小米 Note

簡介

小米旗艦大屏幕手機,配備 Qualcomm Snapdragon 801 四核心處理器、3GB RAM以及 16/64GB 儲存空間,支援 TD-LTE + FDD LTE 雙 4G 網絡

刊登日期

15-01-2015

 
總投票: 71
外型
6.2
功能
6.1
性價比
6.1
首次推售價:   HK$ 2999
最新售價:       HK$ 2999

返回
【新機試玩】日系 5.7 吋巨屏到港 Sharp AQUOS Xx 404SH 實機速測
19-07-2015
作者: 在下

【新機試玩】日系 5.7 吋巨屏到港 Sharp AQUOS Xx 404SH 實機速測
 
 

其實日本今季新機已經係當地陸陸續續開始推出,不過礙於早前解鎖技術尚未成功,所以唔少新機遲遲仍未引入香港。不過呢個星期,今季的日系手機正式成功軟解,水貨店亦都即刻引入最新一季的旗艦機種應市,呢部配備 5.7 吋巨屏加 Snapdragon 810 處理器的 Sharp AQUOS Xx(404SH),肯定係全場焦點所在。

作為 Sharp 今季重點新機,AQUOS Xx 雖然用上咗 5.7 吋巨螢幕的平板手機規格,不過卻未有使用 2K 解像度螢幕,反而係維持係 1080p 全高清水平,不過因為螢幕用上 Sharp 自家的 IGZO 螢幕,所以不論係反差、色彩的鮮艷度與及畫質的銳利度,都屬於現時市場上最高的水平。

 

 
Sharp 夏季機皇上手試
 

雖然 AQUOS Xx 與同廠的 Crystal 系手機一樣使用超窄框設計,不過聽筒部分就只係用上傳統的擴音機設計,所以邊框比較起 Crystal 系列,仲係厚咗少少。手機支援 IPX5/IPX7 防水防塵規格,nanoSIM 卡及 microSD 卡插槽收藏於機頂的防水蓋底下,USB 埠就同近期的 Sony 手機一樣,用上防水設計。

為咗遷就窄邊框設計,手機的視像鏡頭與 Crystal 系列一樣移到螢幕下方。螢幕邊框係解鎖同埋來電的時候都有幻彩效果,非常搶眼。

 

▲ AQUOS Xx 並未像 Crystal 系列一樣用上骨傳導技術,耳筒部分令邊框更加明顯。

 

▲ 與 Sony 近期的手機一樣,用上防水 USB 連接埠。

 

▲ 機頂設有 nanoSIM 卡與及 microSDXC 卡的防水保護蓋。

 

巨螢幕手機一般嚟講更加受香港用戶的歡迎,AQUOS Xx 更加用上咗超窄邊框,令手機擁有巨螢幕的同時,機身也不至於太過巨大。與同樣配備 5.7 吋全高清螢幕的小米 Note 相比,AQUOS Xx 明顯細咗唔止一個碼。

 

▲ 與同為 5.7 吋螢幕的小米 Note 比較,AQUOS Xx 明顯細咗唔止一個碼。

 

▲ 螢幕邊框係解鎖同埋來電的時候都有幻彩效果。

 

▲ 用戶可以為手機設定動態操作,例如拿著手機唔放,就可以保持螢幕開啟。在鎖定狀態,只係手握電話就可以啟動螢幕。

 

 
實用比跑分重要
 

開頭的時候提過,AQUOS Xx 未有同近期旗艦機一樣用上 2K 解像度螢幕,而用跑分軟件去測試手機,配備 Snapdragon 810 處理理的 Xx,表現竟然比唔上部分使用 Snapdragon 800 的手機!從呢個情況嚟睇,Sharp 似乎對 Snapdragon 810 的過熱情況都有一定的理解,似乎寧願手機更加實用,都唔格硬去將手機效能谷過龍。

 

▲ 以 Antutu 跑分軟件作測試,AQUOS Xx 效能比部分 Snapdragon 800 手機還不如。

 

▲ 相信廠方係考慮過 810 的過熱問題,故意對 Xx 的表現作出一定限制。

 

▲ 其實就算 Xx 在效能上作了限制,一般好似睇全高清 YouTube 或者打機等的操作,完全唔係問題。

 

 
Ricoh GR 認證鏡頭、影相真係靚
 

Sharp AQUOS Xx 配備 f/1.9 大光圈加光學防震的 1310 萬像素主鏡頭,雖然數值上並唔出眾,但影相最緊要係成像效果,呢方面 Xx 真係贏唔少其他廠的機唔止一個馬位!

其實呢個鏡頭係經過相機大廠 Ricoh 認證,同 Nokia 的蔡司認證絕對有得 fight!而且相機除咗傳統的九宮格格線之外,仲有好似黃金比例、螺旋式構圖等的格線選擇,唔識影相的朋友,都可以照住做,拍出大師級構圖。

 

▲ 1310 萬像素主鏡頭其實係 Ricoh 認證出品,難怪拍攝質素勁高。

 

▲ 拍攝的格線除咗傳統的九宮格格線之外,仲有螺旋式構圖、黃金比例等的格線。

 
404SH 試拍:

▲ 其實就算 Xx 在效能上作了限制,一般好似睇全高清 YouTube 或者打機等的操作,完全唔係問題。

 

▲ 一般日光下拍攝,成像清晰,顏色自然。

 

Sharp AQUOS Xx 404SH 規格:

.5.7 吋 1080 x 1920 IGZO 螢幕
.2GHz Snapdragon 810 八核處理器
.3GB RAM + 32GB ROM、支援 microSDXC
. IPX5/IPX7 防水防塵
.1310 萬像素主鏡頭、210 萬像素視像鏡頭
.146 x 79 x 8.7mm
.168g
查詢:$6,780(三禾電氣 2374 0618)

 
 
分享至Facebook   分享至微博  
如以上手機資料有遺漏或錯誤,請按此匯報
搜尋