買機前必讀.不可不知的行 / 水機分別
返回
買機前必讀.不可不知的行 / 水機分別
2016-02-29
作者: Marco
其他焦點新聞:
22-01-2019
22-01-2019
22-01-2019
買機前必讀.不可不知的行 / 水機分別
 

 

一聽到水貨依個字,或者會有人感到反感。水貨喎!好似唔安全,又好似係差啲咁。但係其實水貨係咩?以下落黎將會同大家講下手機中水貨同行貨既分別。

 

 
咩係水貨?
 

香港所售賣既水貨泛指唔經官方代理而入口?產品,大家平時見到的日系手機、韓國手機就係最佳例子。此外即使係 iPhone 都會有水貨,最常見既咪就係香港買完之後拎翻大陸賣,咪變左港水囉!所以水貨亦唔等於假貨、鬼機。

香港有唔少買到水貨既地方,而且價錢通常都比行貨平一截。但講到水貨集中地就相信非先達及深水埗莫屬,有唔少用家都專程去買日水同韓水,另外仲可以搵到台灣版及大陸版手機等。

 


▲ 旺角先達廣場

 

講起水貨,小編身邊有個朋友剛剛買左部紅米 Note 3,心水清既網友都知紅米 Note 3 三月先會係香港正式推出,換句話說佢買既係大陸水貨。

根據中國政策,依部手機當然係冇 Google Service Framework ?啦,雖然水貨鋪會幫大陸手機刷入 Google Service Framework,但因為係後期加工,所以穩定性唔一定最好,亦有機會出現彈 App、甚至連 Google Play 都入唔到等問題。

 


▲ 紅米 Note 3

 

 
行 / 水機分別
 

水貨除左 Rom 有所唔同之外,其實硬件方面都有好大機會有分別,好似早前既 Xperia Z1 咁,日版就加入紅外線功能,可以控制電視等家電;另外好多時韓水都會跟兩電兩充,每部水貨都有佢既獨特之處,不能盡錄,有興趣既可以繼續留意我們的報導。

 

不過最受買家關注,相信都係「保養」吧!係保養方面,因為水貨唔係經代理入口,所以肯定係無官方保養的,但大多會提供「店保」,即店家自行維修,甚至有連鎖水貨店用 15 個月加長保養期來吸引消費者。當然唔同水貨鋪會有各位處理方法,購買前記得自行斟酌了。

 

 
 

 
行 / 水分別
 

講左咁多水貨既壞處,不如又講講有咩好。最重要當然係價錢同款式,同型號既水貨大部份都比行貨平。其次,水貨有唔少型號係行貨唔會出既,即係撞電話機率大大下降。除此之外,仲有:

 


▲ Sharp Aquos Crystal X

 

日水:大部份人玩得日系機,都係因為佢既日系唯美設計,尤其絕大部分的日本手機都係收收埋埋、唔會有國際版,好似 Sharp 的「Edgest」無邊設計,又或者同動畫作品的聯乘 Crossover 作品等,所以一直都有唔少支持者。

 


▲圖為 Pantech Vega Iron 2

 

韓水:除左 Samsung 同 LG 之外,之前 PANTECH 所推出的 VEGA 系列亦係較為出名既韓國手機品牌。而近年韓水就主要玩顏色、鬥價錢,有更多顏色、容量選擇之餘,價錢上亦比行貨平上一截。

 

台水: 因為佢?規格同港行大部份相同,機身設計同 ROM 既差異又冇咁大,用起上黎基本係同港行冇分別。不過價錢就比港行較便宜,近期亦有唔少玩家中意。

 

 

大陸水貨: 主要就係賣「快」同「齊」,依個快字唔係指部機有幾快,而係指佢既上市速度;而齊係指型號。

大陸機係香港上市一向都出名慢,好似紅米 Note 咁,出到第三代、第二代先係香港上市;而小米 Note 頂配級更同香港無綠。心急想玩國產高性價比手機的用家,往往都會考慮入手大陸版再自行刷入 Google Play。

 

 
買水機前必讀!
 

當然有唔少人鐘情於水貨,而有好多人話買水貨係撞手神,但其實只要做足功課,買水貨都可以安全啲,以下就整理了,令到大家可以確保所選購既水貨係香港適用:

 


▲ 買機前可進入測試模式,測試各硬件是否運作正常

 

1. 香港 4G 網絡頻譜:香港 4G 主要用 FDD-LTE 900/1800/2600MHz,以及少數網絡商有的 TD-LTE 2300MHz。建議至少要有 FDD-LTE 1800/2600 其中一段,先可以係香港順利用到 4G,當然有哂 1800+2600 就最Perfect!另外以日系機為例,有部分網絡商版本黎到香港有機會水土不服,依點大家值得留意。

 

2. 檢查機身,睇下有冇花。

 

3. 插張香港 SIM 卡睇下用唔用到,測試部機解咗鎖未。

 

4. 檢查跟機配件齊唔齊,例如:耳機、充電器等等。

 

5. 檢查 IMEN 序號係咪同盒面一樣,檢查方法係入去電話功能按「*#06#」。

 

6. 購買前進入測試模式,檢查手機功能係唔係正常,以 Samsung 為例,入去打電話果到打「*#0*#」,而每間廠既 code 都唔同,也可以留意之前的報導

 

除左第一點可以係事前準備之外,其他都要係買機果陣先試到,所以買水貨最佳辦法都係上網搵間有信譽既鋪頭,以減低風險。 希望大家會對水行貨有更深入既認知,第時去買水貨都唔會比人當係水魚!

 

 

分享至Facebook   分享至微博  

 
搜尋